​ബാം​ഗളൂർ; സംസ്ഥാന സർക്കാർ പാസാക്കി കർഷക വിരുദ്ധ നിയമങ്ങളിൽ പ്രതിഷേധിച്ച് ഇന്ന് കർണാടകയിൽ സംസ്ഥാന വ്യാപക ബന്ദ്. രാവിലെ ആറു മണി മുതൽ വൈകിട്ട് ആറു മണിവരെയുള്ള ബന്ദിൽ വിവിധ കർഷക സംഘടനകളുടെ നേതൃത്വത്തിലാണ് നടക്കുക. 

അടുത്തിടെ യെദ്യൂരപ്പ സർക്കാർ നടപ്പാക്കിയ ഭൂപരിഷ്കരണ നിയമ ഭേദഗതി - സർക്കാർ സംഭരണ കേന്ദ്രങ്ങളുടെ അധികാരം എടുത്തു കളഞ്ഞത് എന്നീ നടപടികൾക്കെതിരെയാണ് പ്രതിഷേധം. ബംഗളുരുവിൽ കോൺഗ്രസ് അടക്കമുള്ള വിവിധ രാഷ്ട്രീയ - ദളിത് സംഘടകളുടെ പിന്തുണയും സമരക്കാർക്കുണ്ട്. കൂടാതെ തൊഴിലാളികളും കർഷകർക്ക് പിന്തുണയുമായി എത്തുന്നുണ്ട്. 

കർണാടകയിലെ എല്ലാ സംസ്ഥാന- ദേശിയ പാതകളും സ്തംഭിപ്പിക്കുമെന്നാണ് കർഷകരുടെ ഭീഷണി. എന്നാൽ ബന്ദ് നടത്താൻ അനുമതി നൽകിയിട്ടില്ലെന്നും നിയമം ലംഘിച്ചാൽ കർശന നടപടി സ്വീകരിക്കുമെന്നും കർണാടക പോലീസ് മുന്നറിയിപ്പ് നൽകിയിട്ടുണ്ട്.