ശ്രീനഗര്: പാക് അധിനിവേശ കശ്മീരില് സൈന്യം നടത്തിയ സര്ജിക്കല് സ്ട്രൈക്കിന്റെ രണ്ടാം വാര്ഷികം ആഘോഷിക്കണമെന്ന് കേന്ദ്രസര്ക്കാര് ജമ്മുകശ്മീരിലെ സ്കൂളുകളോട് ആവശ്യപ്പെട്ടു. മിന്നാലാക്രമണത്തിന്റെ രണ്ടാം വാര്ഷികമായ സെപ്തംബര് 29 ന് സ്കൂളുകളില് നടത്തുന്ന ആഘോഷപരിപാടികളുടെ വീഡിയോ ദൃശ്യങ്ങള് കേന്ദ്ര സര്ക്കാരിന് അയയ്ക്കണമെന്നും വിദ്യാഭ്യാസ വകുപ്പിനോട് ആവശ്യപ്പെട്ടിട്ടുണ്ട്.
നാഷ്ണല് കോണ്ഫറന്സിന്റെ തലവനായ ഒമര് അബ്ദുള്ളയാണ് വകുപ്പിന്റെ ഉത്തരവ് ട്വീറ്റ് ചെയ്ത് ഇക്കാര്യം പുറത്ത് വിട്ടത്. സെപ്തംബര് 28 മുതല് 30 വരെ മൂന്ന് ദിവസം ആഘോഷിക്കണമെന്നും എന്സിസിയുടെ നേതൃത്വത്തില് പ്രത്യേക പരേഡും യുദ്ധത്തില് പങ്കെടുത്തിട്ടുള്ള സൈനികരെ ക്ഷണിച്ച് പ്രസംഗങ്ങളും സംഘടിപ്പിക്കണമെന്നും ഉത്തരവില് കേന്ദ്രസര്ക്കാര് ആവശ്യപ്പെട്ടിട്ടുണ്ട്.
ആഘോഷ പരിപാടികള് നടത്തുന്നുണ്ടോ എന്ന് പരിശോധിക്കാന് പ്രോഗ്രാം ഓഫീസര്മാര്ക്കും ചുമതല നല്കിയിട്ടുണ്ട്. ഇതിന്റെ ഫോട്ടോഗ്രാഫുകളും വീഡിയോ ദൃശ്യങ്ങളും കര്ശനമായി എത്തിക്കണമെന്നും ഇവര്ക്ക് നിര്ദ്ദേശം നല്കി. സൈന്യത്തിന്റെ പ്രവര്ത്തിയെ രാഷ്ട്രീയനേട്ടങ്ങള്ക്കായി ബിജെപി ഉപയോഗിക്കുകയാണെന്ന് പ്രതിപക്ഷം ആരോപിച്ചു.
സര്ജിക്കല് സ്ട്രൈക്ക് ആഘോഷിക്കുകയില്ലെന്ന് പശ്ചിമ ബംഗാള് വിദ്യാഭ്യാസ മന്ത്രി നേരത്തേ വ്യക്തമാക്കിയിരുന്നു. ഇന്ത്യന് സൈന്യം രാഷട്രീയത്തിനും ഗൂഢാലോചനകള്ക്കും എക്കാലവും അതീതമായിരിക്കണമെന്നാണ് തന്റെ നിലപാടെന്നും ബിജെപിയുടെ ഈ രാഷ്ട്രീയക്കളി അനുവദിക്കുകയില്ലെന്നും അദ്ദേഹം പറഞ്ഞിരുന്നു.
പശ്ചിമ ബംഗാള് വിദ്യാഭ്യാസ മന്ത്രിയുടെ വാക്കുകള് ചര്ച്ചയായതോടെ താത്പര്യമുള്ള സ്കൂളികളില് മതിയെന്നും നിര്ബന്ധമല്ലെന്നും യുജിസി പ്രതികരിച്ചിരുന്നു. എന്നാല് ഇതിന് പിന്നാലെയാണ് നിര്ബന്ധിതമായി മിന്നാലാ
ക്രമണം ആഘോഷിക്കണമെന്ന് ജമ്മു കശ്മീരിലെ സ്കൂളുകള്ക്ക് കേന്ദ്രസര്ക്കാരിന്റെ നിര്ദ്ദേശം വന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates