ശ്രീഹരിക്കോട്ട: വാർത്താ വിനിമയ ഉപ​ഗ്രഹമായ ജിസാറ്റ്- 7എ ഇന്ന് വിക്ഷേപിക്കും. വൈകിട്ട് 4.10 ന് ശ്രീഹരിക്കോട്ടയിലെ സതീഷ് ധവാൻ സ്പേസ് സെന്ററിൽ നിന്നുമാണ് ജിസാറ്റ്- 7എ കുതിച്ചുയരുക. ഇന്ത്യയുടെ 35 -ാമത് വാർത്താ വിനിമയ ഉപ​ഗ്രഹമാണ് ഇത്. 

ജിഎസ്എൽവി-എഫ്-11 റോക്കറ്റാണ് ജിസാറ്റ്-7എ യെ ഭ്രമണപഥത്തിൽ എത്തിക്കുകയെന്ന് ഐഎസ്ആർഒ അറിയിച്ചു. ഇന്നലെ ഉച്ചയോടെയാണ് വിക്ഷേപണത്തിന് മുന്നോടിയായുള്ള കൗണ്ട് ഡൗൺ ആരംഭിച്ചത്. 2250 കിലോ​ഗ്രാം ഭാരമുള്ള ഉപ​ഗ്രഹം അടുത്ത എട്ട് വർഷത്തേക്കാണ് രാജ്യത്തിനാവശ്യമായ വിവരങ്ങൾ നൽകുക. വ്യോമസേനയ്ക്കും കരസേനയ്ക്കും വേണ്ട വിവരങ്ങളാവും ജിസാറ്റ്-7എ നൽകുക.

ഈ വര്‍ഷത്തെ ഐഎസ്ആര്‍ഒയുടെ അവസാന ദൗത്യം കൂടിയാണിത്. ചന്ദ്രയാന്‍-2, പിഎസ്എല്‍വി-സി 44 റിമോട്ട് സെന്‍സിങ് സാറ്റലൈറ്റ് വിക്ഷേപണം എന്നിവയാണ് അടുത്തവര്‍ഷം രാജ്യം കാത്തിരിക്കുന്നത്.