ഹൈദരാബാദ്: ബിജെപിയുടെ ചാക്കിട്ടു പിടുത്തം ഭയന്ന് കര്ണാടകയില് നിന്ന് മാറ്റിയ ജെഡിഎസ് എംഎല്എമാര് ഹൈദരബാദിലെത്തി. 36പേരാണ് ഹൈദരാബാദിലെത്തിയിരിക്കുന്നത്. റോഡ് മാര്ഗമാണ് ഇവര് വെളുപ്പിന് ഹൈദരാബാദ് എത്തിയത്.അതേസമയം കോണ്ഗ്രസ് എംഎല്എമാര് കേരളത്തിലേക്കാണ് വരുന്നത് എന്ന് സ്ഥിരീകരിക്കാത്ത വിവരങ്ങളുണ്ട്. ഇതിന്റെ ഭാഗമായി വാളയാര് ചെക്ക് പോസ്റ്റില് കനത്ത സുരക്ഷയാണ് കേരള പൊലീസ് ഒരുക്കിയിരിക്കുന്നത്.
എംഎല്എമാരെ താമസിപ്പിച്ചിരുന്ന റിസോര്ട്ടിന്റെ സുരക്ഷ യെദ്യൂരപ്പ പിന്വലിച്ചതിന് പിന്നാലെയാണ് എംഎല്എമാരേയും കൊണ്ട് കേരളത്തിലേക്കും ഹൈദരബാദിലേക്കും കടക്കാന് കോണ്ഗ്രസും ജെഡിഎസും തീരുമാനിച്ചത്. കെ.സി വേണുഗോപാലിന്റെ നിര്ദേശപ്രകാരമാണ് കോണ്ഗ്രസ് എംഎല്എമാര് കേരളത്തിലേക്ക് വരുന്നത്.
എംഎല്എമാര്ക്ക് വേണ്ടി ചാര്ട്ടേഡ് വിമാനം ഒരുക്കാന് ശ്രമിച്ചെങ്കിലും അത് നടന്നിരുന്നില്ല. പിന്നീട് അര്ധരാത്രിയില് ബസില് പുറപ്പെടുകയാണ്. കൊച്ചിയിലെ ക്രൗണ് പ്ലാസയിലാണ് എംഎല്എമാരെ എത്തിക്കുന്നത് എന്നറിയുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates