ന്യൂഡല്‍ഹി: പ്രധാനമന്ത്രി നരേന്ദ്ര മോദിയുടെ ജന്‍മദിനത്തില്‍ ദേശീയ തൊഴില്‍ രഹിത ദിനമായി പ്രതിഷേധം സംഘടിപ്പിച്ചതിനെ ട്വിറ്ററില്‍ പിന്തുണച്ച് രംഗത്തെതതിയ കോണ്‍ഗ്രസ് നേതാവ് രാഹുല്‍ ഗാന്ധിക്ക് എതിരെ രൂക്ഷ വിമര്‍ശനവുമായി ബിജെപി നേതാവ് തേജസ്വി സൂര്യ. 

'ട്വിറ്റര്‍ ട്രോളുകള്‍ക്ക് അപ്പുറം രാഹുല്‍ ഗാന്ധി ഒന്നുമല്ല. അദ്ദേഹത്തിന്റെ രാഷ്ട്രീയം അദ്ദേഹത്തിന്റെ ട്വീറ്റുകളില്‍ പരിമിതപ്പെടുത്തിയിരിക്കുന്നു. അദ്ദേഹം പാര്‍ലമെന്റിലില്ല, തെരുവകളിലില്ല, പാര്‍ട്ടി മീറ്റിങ്ങുകളിലുമില്ല. അദ്ദേഹം അജ്ഞാത ട്രോളുകള്‍ പോലെയാണ്. അദ്ദേഹത്തിന്റെ ട്വീറ്റുകള്‍ക്ക് ട്വിറ്ററിനപ്പുറം സ്വാധീനമുണ്ടെന്ന് കരുതരുത്.'- തേജസ്വി സൂര്യ പറഞ്ഞു. 

'ജീവിതത്തില്‍ ഒരു ദിവസം പോലും ജോലി ചെയ്യാതിരുന്നയാള്‍ തൊഴിലില്ലായ്മ എങ്ങനെ മനസ്സിലാക്കുന്നുവെന്ന് മനസിലാക്കാന്‍ പ്രയാസമാണ്. തൊഴില്‍ നഷ്ടപ്പെട്ട യുവാക്കളുടെ വേദന അദ്ദേഹത്തിന് അറിയില്ല. സംസാരിക്കാന്‍ ധാര്‍മ്മിക അധികാരമില്ലാത്ത ഒരു വിഷയം പരിഹരിക്കാന്‍ ഒരു രാജകുമാരന്‍ പരിഹരിക്കാന്‍ ശ്രമിക്കുന്നത് അമ്പരപ്പിക്കുന്നതാണ്'- തേജസ്വി പറഞ്ഞു.