ന്യൂഡല്‍ഹി: രാജ്യം ദസറ ആഘോഷിക്കുകയാണ്. ഇതിന്റെ ഭാഗമായി രാജ്യത്തിന്റെ വിവിധ ഭാഗങ്ങളില്‍ രാവണന്റെ കോലം കത്തിച്ചു. ആറു വയസുകാരന്‍ തീപ്പെട്ടി കൊള്ളി ഉപയോഗിച്ച് നിര്‍മ്മിച്ച രാവണന്റെ കോലം കത്തിക്കുന്നതിന്റെ വീഡിയോയാണ് ഇപ്പോള്‍ വ്യാപകമായി പ്രചരിക്കുന്നത്.

അസമില്‍ നിന്നുളള അരുജ്ജല്‍ ഭവര്‍ണവ് ആണ് തീപ്പെട്ടി കൊള്ളി കൊണ്ട് വ്യത്യസ്തമായ രാവണന്റെ കോലം ഉണ്ടാക്കിയത്.'രാവണന്റെ കോലം ഉണ്ടാക്കണമെന്ന് മകന്‍ പറഞ്ഞു. കുറഞ്ഞ സമയം കൊണ്ട് കോലം ഉണ്ടാക്കാന്‍ സാധിക്കില്ല എന്ന് മറുപടി പറഞ്ഞു. കോലം ഉണ്ടാക്കാന്‍ കുറഞ്ഞത് ചില കാര്യങ്ങളെങ്കിലും ആവശ്യമാണ്. തുടര്‍ന്ന് ഒരു കഷ്ണം പേപ്പറില്‍ ഒരു ചിത്രം വരച്ചുകാണിച്ചു. തീപ്പെട്ടി പോലുളള ചെറിയ വസ്തുക്കള്‍ ശേഖരിക്കാന്‍ ആവശ്യപ്പെടുകയും ചെയ്തു'- മകനാണ് രാവണന്റെ കോലത്തിന് പിന്നിലെന്ന് മിണ്ടി റാണി ദാസ് പറയുന്നു. മിണ്ടി റാണി ദാസ് തന്നെയാണ് രാവണന്റെ കോലം കത്തിക്കുന്ന വീഡിയോ ട്വിറ്ററില്‍ പങ്കുവെച്ചത്.

തീപ്പെട്ടി കൊള്ളികളും പശയും ഉപയോഗിച്ചാണ് രാവണന്റെ കോലം ഉണ്ടാക്കിയത്. തുടര്‍ന്ന് വൈകീട്ട് ഭര്‍ത്താവിനും മകനും ഒപ്പം രാവണന്റെ കോലം കത്തിച്ചതായി മിണ്ടി റാണി ദാസ് പറയുന്നു.