ചെന്നൈ: തൂത്തുക്കുടിയിലെ സ്റ്റെര്‍ലൈറ്റ് ചെമ്പു ശുദ്ധീകരണശാല അടച്ചുപൂട്ടണമെന്ന് ആവശ്യപ്പെട്ട് നടന്ന പ്രക്ഷോഭത്തിന് നേരെ വീണ്ടും പൊലീസ്  വെടിവയ്പ്. അണ്ണാനഗറിലെ പ്രക്ഷോഭകര്‍ക്ക് നേരെയാണ് പൊലീസ് വെടിവയ്പ് നടത്തിയതത്. വെടിവയ്പില്‍ ഒരാള്‍ കൊല്ലപ്പെട്ടു. രണ്ടുപേരുടെ നില ഗുരുതരമാണ്. നിരവധി പേര്‍ക്ക പരുക്കേറ്റിട്ടുണ്ട്.

ഇന്നലെയുണ്ടായ വെടിവയ്പില്‍ 11 പേര്‍ കൊല്ലപ്പെട്ടതിന് പിന്നാലെ പ്രതിഷേധം അക്രമാസക്തമായിരുന്നു. പ്രതിഷേധക്കാര്‍ പൊലീസ് വാഹനങ്ങള്‍ ഉള്‍പ്പടെ കത്തിച്ചിരുന്നു. തൂത്തുക്കുടി എസ്പി മഹേന്ദ്രന് ഗുരുതരമായി പരുക്കേറ്റിരുന്നു. പ്രതിഷേധം അക്രമാസക്തരായതിന് പിന്നാലെയാണ് വെടിവയ്പ് നടത്തിയതെന്നാണ് പൊലീസ് പറയുന്നത്