ഹൈദരാബാദ്: 3.5 ലക്ഷം രൂപയും 1.372 കിലോഗ്രാം സ്വര്‍ണാഭരണങ്ങളുമായി ഹൈദരാബാദില്‍ ദുര്‍മന്ത്രവാദി പിടിയില്‍. പോലീസിന്റെ ടാസ്‌ക് ഫോഴ്‌സാണ് ദുര്‍ മന്ത്രവാദിയായ സെയ്ദ് ഇസ്മായിലിനെ കസ്റ്റഡിയിലെടുത്തത്.മന്ത്രവാദം വഴി രോഗങ്ങളില്‍ നിന്നും ദുഖ:ങ്ങളില്‍ നിനനും ജനങ്ങളെ മോചിപ്പിക്കുമെന്ന് പറഞ്ഞാണ് ഇയാള്‍ ജനങ്ങളില്‍ നിന്ന് പണം തട്ടിയെടുത്തത്. ഐ.പി.സി സെക്ഷന്‍ 420, 384, 406 എന്നീ വകുപ്പുകള്‍ പ്രകാരമാണ് ഇയാള്‍ക്കെതിരെ കേസ്. 

സയ്യിദ് ഇസ്മായില്‍ എസ്.എസ്.സി യിലെ പഠനത്തിന് ശേഷം ബന്‍ജാറയിലെ സാന്‍ഡ്‌വിച്ച് സ്‌റ്റോറില്‍ ജോലി ചെയ്ത ഇദ്ദേഹം  പിന്നീട് ഓട്ടോ െ്രെഡവറായി ജോലി ചെയ്തിരുന്നു. പി്ന്നീട് വീടുകളുടെ ഇന്റീരിയര്‍ ഡെക്കറേറ്ററായി ജോലിചെയ്തുകൊണ്ടിരിക്കുമ്പോഴാണ് ഇയാള്‍ ദുര്‍മന്ത്രവാദത്തിലേക്ക് തിരിഞ്ഞതെന്നാണ് പൊലീസ് പറയുന്നത്.

പ്രശ്‌നങ്ങളുമായി സമീപിക്കുന്നവരുടെ കയ്യില്‍ നിന്നും സ്വര്‍ണ്ണം ഊരി വാങ്ങിക്കുകയും ശേഷം 40 ദിവസത്തിന് ശേഷം തിരികെ വാങ്ങിക്കാന്‍ ആവശ്യപ്പെടുകയും അത് അണിയുന്നതോടെ രോഗം മാറുമെന്ന് പറഞ്ഞായിരുന്നു തട്ടിപ്പ്. എന്നാല്‍ സ്വര്‍ണ്ണം പിന്നീട് മണപ്പുറം ഫിനാന്‍സ് ലിമിറ്റഡിന്റെ വിവിധ ശാഖകളില്‍ പണയം വെക്കുകയും പണം വാങ്ങി ആഡംബര ജീവിതം നയിക്കുകയും ചെയ്യുകയായിരുന്നു ഇയാള്‍ ചെയ്തതത്. നിരവധി ആളുകളില്‍ നിന്നാണ് ഇത്തരത്തില്‍ തട്ടിപ്പ് നടത്തിയത്.