ചെന്നൈ: പനിയും ഛര്‍ദിയുമായി ചികിത്സ തേടിയെത്തിയ മധ്യവയസ്‌ക്കയ്ക്ക് വിതരണം ചെയ്ത ഗുളികയില്‍ ഇരുമ്പുകമ്പി. തമിഴ്‌നാട് രാമനാഥപുരം ഏര്‍വാടിയിലെ സര്‍ക്കാര്‍ ആശുപത്രിയില്‍ നിന്ന് വിതരണം ചെയ്ത മരുന്നിലാണ് നൂല്‍കമ്പി കണ്ടെത്തിയത്. വിവാദമായതോടെ അന്വേഷണം തുടങ്ങി.

ഏര്‍വാടിക്കടുത്തുള്ള എരന്തൂര്‍ നിവാസിയായ ശക്തിക്ക് ലഭിച്ച മരുന്നിലാണ് നൂല്‍കമ്പി കണ്ടെത്തിയത്. പനിയും ഛര്‍ദിയും അതിസാരവുമായാണ്് ഏരന്തൂരിലെ പ്രാഥമിക ആരോഗ്യകേന്ദ്രത്തില്‍ ശക്തി ചികിത്സ തേടിയത്.കഴിക്കാനായി പൊട്ടിച്ചപ്പോഴാണ്  ഇരുമ്പ് കമ്പി ശ്രദ്ധയില്‍പ്പെട്ടത്.

സംഭവം വിവാദമായതോടെ തമിഴ്‌നാട് ആരോഗ്യവകുപ്പ് അന്വേഷണം പ്രഖ്യാപിച്ചു.മരുന്ന് വിതരണം ചെയ്ത കമ്പനിക്കെതിരെ നടപടിയുണ്ടാകുമെന്നും ആരോഗ്യവകുപ്പ് അധികൃതര്‍ അറിയിച്ചു.