ബം​ഗളൂരു: പരപുരുഷ ബന്ധം സംശയിച്ച് യുവതിയെ ഭർത്താവ് കുത്തി കൊലപ്പെടുത്തി. 30 തവണ കുത്തിയാണ് ഇയാൾ ഭാര്യയെ കൊലപ്പെടുത്തിയത്. കർണാടകയിലാണ് ക്രൂരകൃത്യം നടന്നത്. ജുബൈദ എന്ന യുവതിയാണ് കൊല്ലപ്പെട്ടത്. ഭർത്താവ് ഷെരീഫിനെ പൊലീസ് കസ്റ്റഡിയിൽ എടുത്തു.

ശനിയാഴ്ച രാത്രി ഇരുവരും തമ്മിൽ വാക്കു തർക്കമുണ്ടായിരുന്നു. ഇത് പിന്നീട് കൈയാങ്കളിയിലേക്ക് മാറുകയായിരുന്നു. അതിനിടെ ക്ഷുഭിതനായ യുവതിയെ ഷെരീഫ് കത്തി ഉപയോ​ഗിച്ച് 30 തവണ കുത്തി. ജുബൈദയുടെ കരച്ചിൽ കേട്ട് വീട്ടുടമ സ്ഥലത്തെത്തി ജുബൈദയെ ആശുപത്രിയിൽ എത്തിച്ചെങ്കിലും മരണം സ്ഥരീകരിച്ചു. 

ഏഴ് വർഷം മുൻ‌പാണ് ജുബൈദയും ഷെരീഫും തമ്മിൽ വിവാഹം കഴിച്ചത്. ഇവർക്ക് രണ്ട് കുട്ടികളുണ്ട്. ഷെരീഫിനെ കസ്റ്റഡിയിൽ എടുത്തിട്ടുണ്ടെന്നും സംഭവത്തിൽ‌ തുടരന്വേഷണം ആരംഭിച്ചതായും പൊലീസ് വ്യക്തമാക്കി.