കോണ്‍ഗ്രസ് അധ്യക്ഷന്‍ രാഹുല്‍ഗാന്ധിയ്‌ക്കെതിരേ അപകീര്‍ത്തിക്കേസ് ഫയല്‍ ചെയ്ത് മധ്യപ്രദേശ് മുഖ്യമന്ത്രി ശവരാജ് സിങ് ചൗഹാന്റെ മകന്‍ കാര്‍ത്തി കേയ്ന്‍. പാനമ പേപ്പര്‍ പുറത്തുവിട്ട നികുതി വെട്ടിപ്പുകാരുടെ പട്ടികയില്‍ കാര്‍ത്തി കെയിന്റെ പേരുണ്ടെന്ന രാഹുല്‍ ഗാന്ധിയുടെ പരാമര്‍ശമാണ് വിവാദമായത്. തെരഞ്ഞെടുപ്പ് പ്രചരണത്തിനിടെയുണ്ടായ പരാമര്‍ശം വലിയ വാര്‍ത്തയായതിന് പിന്നാലെയാണ് കാര്‍ത്തി അപകീര്‍ത്തി കേസ് ഫയല്‍ ചെയ്തത്. 

മധ്യപ്രദേഷിലെ ഝാബുവയില്‍ വെച്ചാണ് രാഹുല്‍ ഗാന്ധി വിവാദ പരാമര്‍ശം നടത്തിയത്. അബദ്ധം മനസിലാക്കിയി രാഹുല്‍ ഗാന്ധി പിന്നീട് തെറ്റ് സമ്മതിച്ചു. തിരക്കിട്ട പ്രചാരണപരിപാടിയില്‍ പങ്കെടുത്തുകൊണ്ടിരിക്കുകയാണ് താനെന്നും അതിനിടയില്‍ പറ്റിയ അബദ്ധമാണിതെന്നുമാണ് മാധ്യമപ്രവര്‍ത്തകരോട് രാഹുല്‍ ഗാന്ധി പറഞ്ഞു.