ലക്‌നോ: മുന്‍ മുഖ്യമന്ത്രി അഖിലേഷ് യാദവിന്റെ പദ്ധതികളില്‍ അന്വേഷണത്തിനൊരുങ്ങി യോഗി ആദിത്യനാഥ് സര്‍ക്കാര്‍. അഖിലേഷ് യാദവ് ഉത്തര് പ്രദേശ് മുഖ്യമന്ത്രിയായിരിക്കുന്ന സമയത്തു നടപ്പിലാക്കിയ മൂന്ന് ഫഌഗ്ഷിപ്പ് പദ്ധതികളില്‍ സമഗ്രമായ പ്രത്യേക ഓഡിറ്റ് നടത്താനാണ് യുപി നിലവില്‍ ഭരിക്കുന്ന ബിജെപി സര്‍ക്കാര്‍ ഒരുങ്ങുന്നത്. ഈ മൂന്ന് പദ്ധതികളില്‍ വ്യാപകമായി ക്രമക്കേട് നടന്നിട്ടുണ്ടെന്ന ആരോപണമുയര്‍ന്ന സാഹചര്യത്തിലാണ് ആദിത്യനാഥ് അന്വേഷണത്തിനൊരുങ്ങുന്നത്.

വിപുലീകരണ ചെലവിലുണ്ടായ ക്രമക്കേട്, ടെണ്ടര്‍ നിയമങ്ങളിലുള്ള ലംഘനം, കൃത്യമായ അനുമതികള്‍ വാങ്ങുന്നതിലുള്ള ലംഘനം, പാര്‍ക്കില്‍ നിന്നും പാമ്പിനെ പിടിക്കാനായി ഒന്‍പതു കോടി രൂപ തുടങ്ങിയവയിലാണ് അന്വേഷണം നടത്തുക.