ന്യൂഡല്ഹി: പാസ്പോര്ട്ട് ലഭിക്കുന്നതിനായുള്ള പൊലീസ് വെരിഫിക്കേഷന് പുര്ണമായും ഓണ്ലൈന് വഴിയാക്കുന്നു. പൊലീസ് വെരിഫിക്കേഷന് വൈകുന്നുവെന്ന പരാതി വ്യാപകമായി ഉയര്ന്നതിനെ തുടര്ന്നാണ് കേന്ദ്ര സര്ക്കാരിന്റെ നീക്കം.
ദേശീയ ക്രിമിനല് ഡാറ്റാ ബാങ്കിലെ വിവരങ്ങള് ഉപയോഗിച്ച് പൊലീസിന് സ്ഥിരം കുറ്റവാളികളുടെ വിവരങ്ങള് അറിയാനാകും. ഇതോടെ അടുത്ത വര്ഷത്തോടെ പാസ്പോര്ട്ടിനുള്ള പൊലീസ് വെരിഫിക്കേഷന് ഓണ്ലൈന് വഴി നടത്താന് സാധിക്കുമെന്നാണ് കേന്ദ്ര സര്ക്കാരിന്റെ കണക്കുകൂട്ടല്.
കഴിഞ്ഞ വര്ഷം നവംബറില് ഓണ്ലൈന് വഴിയുള്ള പൊലീസ് വെരിഫിക്കേഷന് ബംഗളൂരു നഗരത്തില് പരീക്ഷണാടിസ്ഥാനത്തില് നടത്തിയിരുന്നു. ഇത് വിജയകരമായതോടെ പദ്ധതി രാജ്യം മുഴുവന് നടപ്പിലാക്കാന് കേന്ദ്ര സര്ക്കാര് തീരുമാനിക്കുകയായിരുന്നു.
ഓണ്ലൈന് വെരിഫിക്കേഷനായി ജില്ലാ പൊലീസ് അധികാരികളുടെ നേതൃത്വത്തില് പ്രത്യേക സംവിധാനങ്ങള് ഏര്പ്പെടുത്തും. ദേശീയ ജനസംഖ്യ രജിസ്റ്റര്, ആധാര് കാര്ഡ്, സിസിടിഎന് എന്നിവ സമന്വയിപ്പിച്ചുകൊണ്ടായിരിക്കും അപേക്ഷകനെ സംബന്ധിക്കുന്ന വിവരങ്ങള് പൊലീസ് ശേഖരിക്കുക.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates