കാലടി: പുരാതന ഇന്ത്യയില്‍ തിമിര ശസ്ത്രക്രിയയും പ്ലാസ്റ്റിക് സര്‍ജറിയും പോലുള്ള സങ്കീര്‍ണമായ ശസ്ത്രക്രിയകള്‍ നടത്താന്‍ കഴിവുള്ള സര്‍ജന്‍മാര്‍ ഉണ്ടായിരുന്നുവെന്ന് ഉപരാഷ്ട്രപതി വെങ്കയ്യ നായിഡു. യുവ ശാസ്ത്രജ്ഞരെ ആദരിക്കുന്ന ചടങ്ങില്‍ സംസാരിക്കുകയായിരുന്നു ഉപരാഷ്ട്രപതി.

സര്‍ജന്‍മാരെക്കൂടാതെ ശാസ്ത്രജ്ഞര്‍, ഗണിത ശാസ്ത്രജ്ഞര്‍, ജ്യോതിശാസ്ത്രജ്്ഞര്‍, രസതന്ത്രജ്ഞര്‍ തുടങ്ങി വിവിധ ശാസ്്ത്ര ശാഖകളില്‍ കഴിവു തെളിയിച്ചവര്‍ പുരാതന ഇന്ത്യയിലുണ്ടായിരുന്നു. ആര്യഭട്ട, പിംഗള, ബ്രഹ്മപുത്രന്‍, ഭസ്‌ക്കരന്‍, വരാഹമിഹിരന്‍, ചരകന്‍, ശുശ്രുതന്‍ എന്നിങ്ങനെ നിരവധി പേരുകള്‍ നമുക്ക് ഓര്‍ത്തെടുക്കാം. പൂജ്യം, ബൈനറി സംഖ്യകള്‍ തുടങ്ങിയ ആശയങ്ങള്‍ ലോകത്തിനു നല്‍കിയത് ഇന്ത്യയാണ്. ഇരുമ്പ്, ഉരുക്ക് ലോഹങ്ങള്‍ നിര്‍മിക്കാന്‍ നമുക്ക് അറിയാമായിരുന്നു- നായിഡു പറഞ്ഞു.

യുവാക്കള്‍ നമ്മുടെ ചരിത്രത്തില്‍ നിന്നുമാണ് ഊര്‍ജ്ജം ഉള്‍ക്കൊള്ളേണ്ടത് എന്നും വെങ്കയ്യ നായിഡു വ്യക്തമാക്കി.