ചെന്നൈ: രാജീവ് ഗാന്ധി വധക്കേസ് പ്രതി പേരറിവാളന്റെ പരോള്‍ ഒരു മാസത്തേക്ക് കൂടി നീട്ടി. പരോള്‍ ഒരു മാസത്തേക്ക് കൂടി നീക്കണം എന്നാവശ്യപ്പെട്ട് പേരറിവാളന്റെ അമ്മ അര്‍പുതാമ്മാള്‍ മുഖ്യമന്ത്രിക്ക് നിവേദനം നല്‍കിയിരുന്നു. ഇതേത്തുടര്‍ന്നാണ് പരോള്‍ ഒക്ടോബര്‍24 വരെ നീട്ടിയത്. 

ആഗസ്റ്റ് 24നാണ് പേരറിവാളന് ഒരു മാസത്തെ പരോള്‍ അനുവദിച്ചത്. അറസ്റ്റിലായ ശേഷം ആദ്യമായ് ആയിരുന്നു പേരറിവാളന് പരോള്‍ അനുവദിച്ചത്. അവശനിലയിലായ പിതാവിനെ കാണാനും പരിചരിക്കാനുമായിരുന്നു പരോള്‍ അനുവദിച്ചിരുന്നത്. 26വര്‍ഷമാണ് പേരറിവാളന്‍ ജയിലില്‍ കഴിഞ്ഞത്.