പോണ്ടിച്ചേരി യൂണിവേഴ്‌സിറ്റി വിദ്യാര്‍ത്ഥി യൂണിയന്‍ തെരഞ്ഞെടുപ്പില്‍ ഇടത് സഖ്യത്തിന് വിജയം. എസ്എഫ്‌ഐ-എഐഎസ്എഫ്-എപിഎസ്എഫ് സഖ്യമാണ് വിജയിച്ചത്. പ്രസിഡന്റ് സ്ഥാനത്തേക്ക് എസ്എഫ്‌ഐയുടെ പരിജയ് യാദവന് തെരഞ്ഞെടുക്കപ്പെട്ടു. എപിഎസ്എഫിന്റെ വി കുരലംബനാണ് സെക്രട്ടറി. 

മെയില്‍ വൈസ് പ്രസിഡന്റായി എഐഎസ്എഫിന്റെ ജെ കുമാര്‍ വിജയിച്ചു. എക്‌സിക്യൂട്ടീവ് മെമ്പേഴ്‌സ് അടക്കം ഏഴ് സീറ്റുകളില്‍ എസ്എഫ്‌ഐ വിജയിച്ചു. 

വൈസ് ചെയര്‍മാന്‍ സ്ഥാനത്തേക്ക് മത്സരിച്ച വിദ്യാര്‍ഥിനിയുടെ പേര് സ്ഥാനാര്‍ഥി പട്ടികയില്‍ ഉള്‍പ്പെടുത്താതിരുന്നതിനെ തുടര്‍ന്നുള്ള വിദ്യാര്‍ത്ഥി സംഘടനകളുടെ പ്രതിഷേധത്തെത്തുടര്‍ന്ന് തെരഞ്ഞെടുപ്പ് നീട്ടിവച്ചിരുന്നു. എസ്എഫ്‌ഐയുടെയും എന്‍എസ്‌യുവിന്റെയും നേതൃത്വത്തിലുള്ള പാനലുകളാണ് ഇത്തവണ മത്സരിച്ചത്.  കഴിഞ്ഞവര്‍ഷം എസ്എഫ്‌ഐയുടെ നേതൃത്വത്തിലുള്ള പാനലാണ് വിജയിച്ചത്.