ജയ്പൂര്‍ : പൗരത്വ നിയമഭേദഗതിയെ എതിര്‍ക്കുന്നവര്‍ക്കെതിരെ രൂക്ഷ വിമര്‍ശനവുമായി ബിജെപി എംഎല്‍എ. നിയമത്തെ എതിര്‍ത്ത് പ്രതിഷേധവുമായി രംഗത്തുവന്നവര്‍ക്ക് ഇന്ത്യയില്‍ ജീവിക്കാന്‍ അവകാശമില്ലെന്ന് രാജസ്ഥാനിലെ ബിജെപി എംഎല്‍എ മദന്‍ ദിലാവര്‍ പറഞ്ഞു.
അവര്‍ പാകിസ്ഥാനെയാണ് ഇഷ്ടപ്പെടുന്നതെങ്കില്‍ അവിടേക്ക് പോകണം. അതല്ല, ബംഗ്ലാദേശിനോടാണ് സ്‌നേഹമെങ്കില്‍ ബംഗ്ലാദേശിലേക്ക് പോകുകയാണ് വേണ്ടത്. രണ്ടു രാജ്യങ്ങളും വേണ്ടെന്ന് പറഞ്ഞാല്‍, പ്രതിഷേധക്കാര്‍ ഇന്ത്യന്‍ മഹാസമുദ്രത്തില്‍ മുങ്ങിച്ചാകട്ടെ എന്നും ബിജെപി എംഎല്‍എ പറഞ്ഞു.
പ്രതിഷേധക്കാര്‍ പൗരത്വ നിയമഭേദഗതിയുടെ പേരുപറഞ്ഞ് രാജ്യം കത്തിക്കുകയാണ്. നിരവധി പൊലീസുകാരെയാണ് കൊന്നത്. പ്രതിഷേധക്കാരെ പിന്തുണയ്ക്കുന്നവരെല്ലാം രാജ്യത്തിന്റെ ശത്രുക്കളാണ്. സോണിയാഗാന്ധി, രാഹുല്‍ഗാന്ധി, പ്രിയങ്ക ഗാന്ധി എന്നിവരെല്ലാം ഇതില്‍പ്പെടുമെന്നും ബിജെപി എംഎല്‍എ മദന്‍ ദിലാവര്‍ പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates