അഗര്ത്തല: അസമിന്റെ മാതൃകയില് അനധികൃത കുടിയേറ്റക്കാരെ ഒഴിവാക്കാന് ദേശീയ പൗരത്വ രജിസ്റ്റര് ത്രിപുരയിലും നടപ്പാക്കണമെന്ന് സിപിഎമ്മും കോണ്ഗ്രസും ഉള്പ്പെടെയുള്ള രാഷ്ട്രീയ കക്ഷികള്. കേന്ദ്രത്തിലും സംസ്ഥാനത്തും ഭരണകക്ഷിയായ ബിജെപിയും സഖ്യകക്ഷി ഐഎന്പിടിയും ഇതിനെ അനുകൂലിച്ച് രംഗത്തുവന്നു.
ത്രിപുരയില് എന്ആര്സി നടപ്പാക്കണമെന്ന് ആവശ്യപ്പെട്ട് ഐഎന്പിടി നല്കിയ ഹര്ജി സുപ്രിം കോടതിയുടെ പരിഗണനയിലാണ്. ബിജെപി തുടക്കത്തില് ഈ ആവശ്യത്തോടു യോജിച്ചിരുന്നില്ലെങ്കിലും പിന്നീട് പിന്തുണയ്ക്കുകയായിരുന്നു.
അസമില് സുപ്രിം കോടതിയുടെ നിര്ദേശാനുസരണമാണ് പൗരത്വ രജിസ്റ്റര് നടപ്പാക്കുന്നത്. ഇതിനെതിരെ ആക്ഷേപങ്ങളും ശക്തമാണ്. ഒട്ടേറെപ്പേര് സര്ക്കാര് പ്രസിദ്ധീകരിച്ച പട്ടിക പ്രകാരം ഒരു സുപ്രഭാതത്തില് ഇന്ത്യന് പൗരന്മാര് അല്ലാതായിത്തീര്ന്നെന്നാണ് വിമര്ശനം.
ത്രിപുരയില് പൗരത്വ രജിസ്റ്റര് നടപ്പാക്കുന്നതിനെ സിപിഎം അനുകൂലിക്കുമെന്ന് കേന്ദ്ര കമ്മിറ്റി അംഗവും മു്ന് മന്ത്രിയുമായ ജിതേന്ദ്ര ചൗധരി പറഞ്ഞു. 1971ലെ ഇന്ദിര-മുജീബ് ഉടമ്പടി അനുസരിച്ചു വേണം വിദേശികള് ആരൊക്കെയെന്നു തീരുമാനിക്കേണ്ടതെന്ന് ചൗധരി ആവശ്യപ്പെട്ടു. 1952 കട്ട് ഓഫ് വര്ഷമായി തീരുമാനിച്ച് എന്ആര്സി നടപ്പാക്കണമെന്ന് ചില പാര്ട്ടികള് ആവശ്യപ്പെടുന്നുണ്ട്. സിപിഎമ്മിന് ഇതിനോടു യോജിപ്പില്ല- ചൗധരി പറഞ്ഞു.
ത്രിപുരയില് എന്ആര്സി നടപ്പാക്കണമെന്ന് പിസിസി അധ്യക്ഷന് പ്രദ്യോദ് ബിക്രം മാണിക്യ ദേബ് ബര്മന് ആവശ്യപ്പെട്ടു. മതത്തിന്റെ അടിസ്ഥാനത്തിലല്ല ഇതു നടപ്പാക്കേണ്ടത്. എന്ആര്സി നടപ്പാക്കുംമുമ്പ് സര്ക്കാര് അഭയാര്ഥി നയം പ്രഖ്യാപിക്കണമെന്നും ബര്മന് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates