ഹൈദരാബാദ്: ഫീസടയ്ക്കാത്ത കാരണത്തിന് ഹൈദരാബാദിലെ സ്വകാര്യ സ്കൂളില് 19 വിദ്യാര്ഥികളെ തടവിലാക്കിയതായി ആരോപണം. ഹയാത് നഗറിലെ സരിത വിദ്യാനികേതന് എന്ന സ്കൂളിലാണ് വിവാദ സംഭവം. രണ്ടു മണിക്കൂറോളമാണ് കുട്ടികളെ തടവിലാക്കിയത്. ശനിയായഴ്ച ആരംഭിച്ച കൊല്ലപ്പരീക്ഷ വിദ്യാര്ഥികളെ എഴുതാന് അനുവദിച്ചില്ലെന്നും ആരോപണമുണ്ട്. സംഭവത്തില് ജുവനൈല് നിയമത്തിനു കീഴില് കേസെടുത്ത് പോലീസ് അന്വേഷണം തുടങ്ങി.
ഫീസടയ്ക്കാനെത്തിയ സഹപാഠിയുടെ പിതാവിന്റെ ഫോണ് വാങ്ങിയാണ് ഒരു വിദ്യാര്ഥി വിവരം പിതാവിനെ അറിയിക്കുന്നത്. പ്രിന്സിപ്പാലിന് ഫോണ് നല്കാന് ആവശ്യപ്പെട്ടെങ്കിലും സ്കൂള് അധികൃതരാരും രക്ഷിതാവിനോട് സംസാരിക്കാന് തയാറായില്ലെന്നും ആരോപണമുണ്ട്. തുടര്ന്ന് രക്ഷിതാവ് വിവരം പോലീസിനെയും മാധ്യമപ്രവര്ത്തകരെയും അറിയിക്കുകയായിരുന്നു.
സ്കൂള് അധികൃതര് പൂട്ടിയിട്ട കുട്ടികളില് അഞ്ചു മുതല് 14 വയസു വരെ പ്രായമുള്ള വിദ്യാര്ഥികളുണ്ടായിരുന്നു. സംഭവത്തില് സ്കൂളിനെതിരെ ക്രിമിനല് കുറ്റം ചുമത്തണമെന്ന് ഹൈദരാബാദിലെ ആക്റ്റിവിസ്റ്റുകള് ഉള്പ്പെടെയുള്ളവര് ആവശ്യപ്പെടുന്നുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates