ബംഗളൂരു : ബംഗളൂരുവിലെ കെ ആര്‍ മാര്‍ക്കറ്റിലുള്ള ബാറില്‍ ഉണ്ടായ തീപിടുത്തത്തില്‍ അഞ്ചുപേര്‍ മരിച്ചു. ബാറിനുള്ളില്‍ ഉറങ്ങിക്കിടന്ന ജീവനക്കാരാണ് മരിച്ചത്. ഇന്ന് പുലര്‍ച്ചെ 2.30 മണിയോടെയാണ് അപകടമുണ്ടായത്. 

കലസിപാളയത്തിലെ കുംഭാര സാംഘ ബില്‍ഡിംഗില്‍ പ്രവര്‍ത്തിച്ചിരുന്ന കൈലാഷ് ബാര്‍ ആന്റ് റസ്റ്റോറന്റിലാണ് അപകടം ഉണ്ടായത്. 
അപകടത്തില്‍ കൂടുതല്‍ പേര്‍ക്ക് പൊള്ളലേറ്റിട്ടുണ്ടെന്നാണ് റിപ്പോര്‍ട്ട്. ഷോര്‍ട്ട് സര്‍ക്യൂട്ടാണ് അപകടകാരണമെന്നാണ് പ്രാഥമിക വിവരം.