ബഗുസരായില്‍ കനയ്യകുമാറിന് വേണ്ടി പ്രചാരണത്തിന് എത്തിയ ഗുജറാത്ത് എംഎല്‍എയും ദലിത് പ്രക്ഷോഭ നേതാവുമായ ജിഗ്നേഷ് മേവാനിയെ നാട്ടുകാര്‍ മര്‍ദിച്ചു എന്ന് സംഘപരിവാറിന്റെ വ്യാജ പ്രചാരണം. ഗുജറാത്തിലെ പഴയ സമരത്തിന്റെ ചിത്രങ്ങള്‍ ഉപയോഗിച്ചാണ് വ്യാജ പ്രചാരണങ്ങള്‍ നടത്തുന്നത്. 

'ബഗുസരായില്‍ നിന്ന് നല്ല വാര്‍ത്തകള്‍ പുറത്തുവരുന്നു. ഇടതുപക്ഷക്കാരനായ ജിഗ്നേഷ് മേവാനിയെ ബഗുസരായില്‍ തടഞ്ഞു' എന്നാണ് പോസ്റ്റുകള്‍ പ്രചരിക്കുന്നത്. എന്നാല്‍ ഈ ചിത്രം 2018 ഫെബ്രുവരി 18ന് മേവാനി തന്നെ ട്വിറ്ററില്‍ പോസ്റ്റ് ചെയ്ത ചിത്രമാണ്. ഈ ചിത്രം ഉപയോഗിച്ച് വ്യാപക വ്യാജ പ്രചാരണമാണ് സാമൂഹ്യ മാധ്യമങ്ങളില്‍ നടക്കുന്നത്.

ബഗുസരായില്‍ കേന്ദ്രമന്ത്രി ഗിരിരാജ് സിങിന് എതിരെ മത്സരിക്കുന്ന സിപിഐ നേതാവ് കനയ്യ കുമാറിന് വേണ്ടി പ്രചാരണം നടത്താനായി ജിഗ്നേഷ് മേവാനി കഴിഞ്ഞ ദിവസം എത്തിയിരുന്നു. വീടുകള്‍ കയറിയിറങ്ങി വോട്ട് ചോദിച്ചും പൊതുയോഗങ്ങളില്‍ സംസാരിച്ചതിനും ശേഷമാണ് അദ്ദേഹം മടങ്ങിയത്.