ന്യൂഡല്ഹി: ബിജെപി പുറത്തിറക്കിയ ലോക്സഭാ തെരഞ്ഞെടുപ്പ് പത്രികയില് ഗുരുതര പിഴവ്. വനിതാ ശാക്തീകരണ വാഗ്ദാനങ്ങളുടെ കൂട്ടത്തില് സ്ത്രീകള്ക്കെതിരെയുള്ള കുറ്റകൃത്യങ്ങള് തടയാന് ശക്തമായ നടപടികള് സ്വീകരിക്കുമെന്നതിന് പകരം 'കുറ്റകൃത്യം നടത്താന്' എന്നാണ് ബിജെപി മാനിഫെസ്റ്റോയിലുള്ളത്.
പത്രികയിലെ 32ാം പേജില് 11ാമത്തെ വാചകത്തിലാണ് മോഡിയുടെ വിചിത്ര വാഗ്ദാനം. 'പ്രവന്റ്' എന്ന വാക്കിന് പകരം 'കമ്മിറ്റ്' എന്ന പദമാണ് രേഖപ്പെടുത്തിയത്. ഇതിനെതിരെ പ്രതിപക്ഷ പാര്ട്ടികള് രംഗത്തെത്തി. തെറ്റ് വാര്ത്തയായതോടെ രൂക്ഷ പരിഹാസമാണ് പ്രധാനമന്ത്രിയും ബിജെപിയും ഏറ്റുവാങ്ങിക്കൊണ്ടിരിക്കുന്നത്.
'സങ്കല്പ് പത്ര' എന്ന് പേരിട്ടിരിക്കുന്ന പ്രടന പ്രത്രികയില് 75 പദ്ധതികളാണ് ഉള്പ്പെടുത്തിയിരിക്കുന്നത്. പ്രധാനമന്ത്രി നരേന്ദ്ര മോഡി, ആഭ്യന്തരമന്ത്രി രാജ് നാഥ് സിംഗ്, ബിജെപി ദേശീയ അധ്യക്ഷന് അമിത് ഷാ എന്നിവരുടെ നേതൃത്വത്തിലാണ് പത്രിക ഡല്ഹിയില് അവതരിപ്പിച്ചത്.
അയോധ്യയില് സൗഹാര്ദ്ദ അന്തരീക്ഷത്തില് രാമക്ഷേത്രം നിര്മ്മിക്കും, ഏക സിവില് കോഡ് നടപ്പാക്കും, ആര്ട്ടിക്കിള് 370 അസാധുവാക്കും എന്നിവയാണ് പത്രികയിലെ പ്രധാന വാഗ്ദാനങ്ങള്. പ്രദേശിക അസന്തുലിതാവസ്ഥ ഇല്ലാതാക്കും, ഭീകരവാദത്തിനെതിരെ ശക്തമായ നടപടിയെടുക്കും, ചെറുകിട കച്ചവടക്കാര്ക്കും വ്യാപാരികള്ക്കും പെന്ഷന് പദ്ധതി, കര്ഷകര്ക്ക് 25 ലക്ഷം കോടിയുടെ ക്ഷേമ പദ്ധതി, 2022 ഓടെ പുതിയ ഇന്ത്യയെ കെട്ടിപ്പെടുത്തും, കയറ്റുമതി വ്യാപാരം ഇരട്ടിയാക്കും എന്നിവയാണ് മറ്റ് വാഗ്ദാനങ്ങള്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates