ലഖ്‌നൗ: ലോക്‌സഭ തെരഞ്ഞെടുപ്പില്‍ യുപിയില്‍ കോണ്‍ഗ്രസ് സ്ഥാനാര്‍ത്ഥികള്‍ മഹാസഖ്യത്തിന്റെ വോട്ട് ഷെയറിനെ ബാധിക്കില്ലെന്ന് എഐസിസി ജനറല്‍ സെക്രട്ടറി പ്രിയങ്ക ഗാന്ധി. ബിജെപിയെ തോല്‍പ്പിക്കല്‍ മാത്രമല്ല തന്റെ തന്ത്രമെന്ന് അവര്‍ പറഞ്ഞു. 

യുപിയില്‍ കോണ്‍ഗ്രസിന്റെ ശക്തികേന്ദ്രങ്ങളില്‍ മികച്ച വിജയം നേടും. സംഘടനയ്ക്ക് ശക്തികുറഞ്ഞ ഇടങ്ങളില്‍ എസ്പി-ബിഎസ്പി സഖ്യത്തിന്റെ വോട്ട് ഷെയറിനെ കോണ്‍ഗ്രസ് സ്ഥാനാര്‍ത്ഥിത്വം ബാധിക്കുകയില്ലെന്നും അവര്‍ പറഞ്ഞു. ബിജെപിക്ക് വലിയ നഷ്ടം സംഭവിക്കുമെന്ന് തനിക്കുറപ്പുണ്ടെന്നും കോണ്‍ഗ്രസ് ബിജെപിയുടെ വോട്ട് ഷെയര്‍ കുറക്കുമെന്നും അവര്‍ പറഞ്ഞു.