ലഖ്‌നൗ:വിവാഹ വാഗ്ദാനം ചെയ്ത് ലൈംഗിക ബന്ധത്തിന് ശേഷം സഹപ്രവര്‍ത്തകന്‍ വഞ്ചിച്ചെന്ന് ആരോപിച്ച് വനിതാ പൊലീസുകാരി ആത്മഹത്യയ്ക്ക് ശ്രമിച്ചു. ഉത്തര്‍പ്രദേശിലാണ് സംഭവം നടന്നത്. 

വിഷം കഴിച്ച് ഗുരുതരാവസ്ഥയിലായ ഇവരെ ആശുപത്രിയില്‍ പ്രവേശിപ്പിച്ചു.കേസില്‍ പ്രതിയായ പൊലീസുകാരനെ അറസ്റ്റ് ചെയ്തിട്ടുണ്ട്. 

ഈ പൊലീസ് ഉദ്യോഗസ്ഥനൊപ്പം വാടക വീട്ടില്‍ താമസിച്ചുവരികയായിരുന്നു വനിതാ കോണ്‍സ്റ്റബിള്‍. വിവാഹ വാഗ്ദാനം നല്‍കിയതിനെ തുടര്‍ന്ന് ഭര്‍ത്താവുമായി ബന്ധം വേര്‍പിരിഞ്ഞു. 

വിവാഹ വാഗ്ദാനം ചെയ്തതിന് ശേഷം സ്ഥിരമായി ലൈംഗിക ബന്ധത്തില്‍ ഏര്‍പ്പെട്ടു. എന്നാല്‍ ഇയാള്‍ പിന്നീട് വിവാഹ വാഗ്ദാനത്തില്‍ നിന്ന് പിന്‍മാറുകയായിരുന്നു.