രാജ്‌കോട്ട്: മകളുടെ ഭര്‍ത്താവുമായി ലൈംഗിക ബന്ധത്തില്‍ ഏര്‍പ്പെടുന്ന വീഡിയോ വൈറലായതോടെ പരാതിയുമായി നാല്‍പ്പത്തിയാറുകാരി പൊലീസ് സ്റ്റേഷനില്‍. രാജ്‌കോട്ടിലെ കച്ചിലുള്ള ബച്ചൗ പോലീസ് സ്‌റ്റേഷനിലാണ് വീട്ടമ്മ പരാതിയുമായി എത്തിയത്. കഴിഞ്ഞ രണ്ടര വര്‍ഷമായി മരുമകനുമായി താന്‍ ലൈംഗിക ബന്ധത്തില്‍ ഏര്‍പ്പെട്ടിരുന്നതായി വീട്ടമ്മ പരാതിയില്‍ പറയുന്നു.

മരുമകനുമായുള്ള ലൈംഗിക ബന്ധത്തിന്റെ ദൃശ്യങ്ങള്‍ തന്റെ ഇളയ സഹോദരിയുടെ മകന്റെ മൊബൈല്‍ ഫോണില്‍ ലഭിച്ചെന്ന് അറിഞ്ഞതോടെയാണ് യുവതി പരാതിയുമായി പോലീസിനെ സമീപിച്ചത്. ഈ ദൃശ്യങ്ങള്‍ മരുമകന്‍ തന്നെയാണ് ഷൂട്ട് ചെയ്തിരിക്കുന്നത്. പരാതിക്കാരിയായ സ്ത്രീക്ക് രണ്ട് ആണ്‍മക്കളും രണ്ട് പെണ്‍മക്കളുമാണുള്ളത്.

ഇതില്‍ ഇളയ മകളുടെ വിവാഹ ശേഷമാണ് ഇവര്‍ മരുമകനുമായി ലൈംഗിക ബന്ധത്തില്‍ ഏര്‍പെട്ടത്. ഇരുവരും തമ്മിലുള്ള ബന്ധം പുറത്തറിഞ്ഞതോടെ കഴിഞ്ഞ എട്ട് മാസമായി മരുമകന്‍ നാട്ടില്‍ നിന്നും താമസം മാറ്റിയിരുന്നു. വീട്ടമ്മയുടെ പരാതി ലഭിച്ചതോടെ ഐടി ആക്ട് പ്രകാരം കേസെടുത്തിട്ടുണ്ടെന്നും വീഡിയോ വൈറലാക്കിയയാളെ പിടികൂടാനുള്ള ശ്രമത്തിലാണെന്നും അന്വേഷണ ഉദ്യോഗസ്ഥനായ എം കെ ചൗധരി പറഞ്ഞു.