ന്യൂദല്‍ഹി: മഹാത്മാ ഗാന്ധി കൊല്ലപ്പെട്ടപ്പോള്‍ ആഘോഷിച്ചവരാണ് സൈനികര്‍ കൊല്ലപ്പെടുമ്പോള്‍ ആഘോഷിക്കുന്നവരാണ് ഇടതുപക്ഷമെന്ന് പറയുന്നതെന്ന് സിപിഐഎം ജനറല്‍ സെക്രട്ടറി സീതാറാം യെച്ചൂരി. കേന്ദ്ര ആഭ്യന്തരസഹമന്ത്രി കിരണ്‍ റിജിജുവിന്റെ പരാമര്‍ശത്തിനെതിരെയാണ് യച്ചൂരി രംഗത്തെത്തിയത്.മഹാത്മാഗാന്ധി കൊല്ലപ്പെട്ടപ്പോള്‍ ലഡു വിതരണം ചെയ്തവരായിരുന്നു ആര്‍എസ്എസുകാര്‍. ഇക്കാര്യം അന്നത്തെ ആഭ്യന്തരമന്ത്രി സര്‍ദാര്‍ വല്ലഭായി പട്ടേല്‍ തന്നെ ഗോള്‍വാള്‍ക്കറിനോട് അഭിപ്രായപ്പെട്ടു. ട്വിറ്ററിലൂടെയായിരുന്നു യെച്ചൂരിയുടെ പ്രതികരണം. നിയമം നടപ്പാക്കുമെന്ന് ഭരണഘടന തൊട്ട് സത്യം ചെയ്തവര്‍ ആക്രമികള്‍ക്കൊപ്പമാണെന്നും യെച്ചൂരി പറഞ്ഞു.