ന്യൂഡല്‍ഹി: ഗൂഢാലോചനയിലൂടെ രാജ്യത്തിന്റെ ആത്മാവിനെയാണ് മോദി തകര്‍ത്തു കളഞ്ഞതെന്ന് സോണിയ ഗാന്ധി. ദേശസ്‌നേഹത്തിന്റെ പുതിയ നിര്‍വചനമാണ് രാജ്യത്തെ മോദി പഠിപ്പിക്കുന്നത്. വൈവിധ്യങ്ങളെ അംഗീകരിക്കാത്തവരാണ് അവരുടെ കണക്കില്‍ രാജ്യസ്‌നേഹികള്‍. വിയോജിപ്പുകളെ അംഗീകരിക്കുന്നതിന് പകരം നഖശിഖാന്തം എതിര്‍ക്കുകയാണ് മോദി ചെയ്യുന്നതെന്നും സോണിയ ഗാന്ധി തുറന്നടിച്ചു.
 
രാജ്യത്തിന്റെ പലഭാഗങ്ങളിലും ആളുകള്‍ സ്വന്തം വിശ്വാസങ്ങളുടെ പേരില്‍ ആക്രമിക്കപ്പെട്ടു. അപ്പോഴെല്ലാം സര്‍ക്കാര്‍ സ്വന്തം കടമ മറന്ന് ഓടിയൊളിച്ചുവെന്നും അവര്‍ പറഞ്ഞു.

നിയമ വാഴ്ച നടപ്പിലാക്കുന്നതില്‍ നരേന്ദ്ര മോദി സര്‍ക്കാരിന് താത്പര്യം ഇല്ല. അടിസ്ഥന കര്‍ത്തവ്യങ്ങള്‍ പോലും ചെയ്യുന്നില്ലെന്നും സോണിയ കുറ്റപ്പെടുത്തി. കോണ്‍ഗ്രസ് പ്രഖ്യാപിച്ച പ്രകടന പത്രിക നടപ്പിലാക്കുമെന്ന കാര്യത്തില്‍ തനിക്ക് നൂറ് ശതമാനം ഉറപ്പുണ്ട്. അധികാരത്തിലെത്തിയാല്‍ പത്രികയിലെ വാഗ്ദാനങ്ങള്‍ നടപ്പിലാക്കുന്തനിനായി പ്രത്യേക സംവിധാനം ആദ്യം നിലവില്‍ വരുമെന്നും അവര്‍ പറഞ്ഞു.