ന്യൂഡല്‍ഹി: രാജ്യത്തിന്റെ യശസ്സ് ലോകത്തിന്റെ നെറുകയിലെത്തിച്ച പ്രധാനമന്ത്രിയാണ് നരേന്ദ്രമോദിയെന്ന് ബിജെപി എംപിയും നടിയുമായ ഹേമമാലിനി. സ്വാതന്ത്ര്യത്തിന് ശേഷം മോദിയെ പോലെ ഒരു പ്രധാനമന്ത്രിയെ രാജ്യത്തിന് ലഭിച്ചിട്ടില്ലെന്നും ഹേമമാലിനി പറഞ്ഞു. ബിജെപിയുടെ ഹരിയാന നിയമസഭാ തെരഞ്ഞെടുപ്പ് പ്രചാരണറാലിയില്‍ സംസാരിക്കുകയായിരുന്നു ഹേമമാലിനി

മോദി ഇന്ത്യയെ ഉയരങ്ങളിലെത്തിച്ചു. മോദിയെ പോലെ ഒരു പ്രധാനമന്ത്രിയെ രാജ്യത്തിന് ഇതുവരെ കിട്ടിയിട്ടില്ല. പതിനഞ്ചുവര്‍ഷങ്ങള്‍ക്ക് മുന്‍പ് രാജ്യത്തിന്റെ അവസ്ഥ ദയനീയമായിരുന്നു. ഇപ്പോള്‍ രാജ്യം സുരക്ഷിത കരങ്ങളിലാണെന്നും ഹേമമാലിനി പറഞ്ഞു. നമ്മുടെ 
രാജ്യത്തിന്റെ ഭരണം മറ്റൊരു കൈകളില്‍ എത്തുന്നതിനെ കുറിച്ച് ചിന്തിക്കാന്‍ പോലും കഴിയില്ല. അദ്ദേഹത്തെ പോലെ മറ്റ് ഒരു പ്രധാനമന്ത്രിയെ രാജ്യത്തിന് ലഭിച്ചിട്ടില്ലെന്നും ഹേമമാലിനി പറഞ്ഞു.