ലഖ്‌നോ: കോണ്‍ഗ്രസുമായി ഉണ്ടാക്കിയ സഖ്യമാണ് യുപിയിലെ കനത്തപരാജയത്തിനിടയാക്കിയതെന്ന് മുലായം സിങ് യാദവ്. പാര്‍ട്ടിയെ ശക്തിപ്പെടുത്താനുള്ള നടപടികള്‍ സ്വീകരിക്കുമെന്നും മുലായം വ്യക്തമാക്കി.

യുപിയില്‍ കോണ്‍ഗ്രസുമായി സഖ്യമുണ്ടാക്കാനുള്ള തീരുമാനം അഖിലേഷിന്റെതായിരുന്നു. കോണ്‍ഗ്രസുമായി സഖ്യമുണ്ടാക്കിയതിനെ തുടര്‍ന്ന് എസ്പിയുടെ പ്രകടനം തെരഞ്ഞെടുപ്പില്‍ ദയനീയമായിരുന്നു. കോണ്‍ഗ്രസുമായുള്ള സഖ്യവുമായി മുന്നോട്ട് പോകരുതെന്ന് അഖിലേഷിനോട് നിര്‍ദേശിച്ചെങ്കിലും ചെവിക്കൊള്ളാന്‍ അഖിലേഷ് തയ്യാറായില്ല. തോല്‍വിയുടെ ഉത്തരവാദിത്തം ജനങ്ങളുടെ തലയില്‍ കെട്ടിവെക്കാന്‍ ആഗ്രഹിക്കുന്നില്ലെന്നും മുലായം വ്യക്തമാക്കി. 

ശിവ്പാല്‍ യാദവിന്റെ നേതൃത്വത്തിലുളള പുതിയ പാര്‍ട്ടിയുണ്ടാക്കാനുള്ള തീരുമാനം പാര്‍ട്ടിയെ ശക്തിപ്പെടുത്താനാണെന്നായിരുന്നു മുലായത്തിന്റെ മറുപടി. ബിജെപിയെ  പരാജയപ്പെടുത്തുന്ന രീതിയില്‍ പാര്‍ട്ടിയെ വളര്‍ത്താന്‍ അഖിലേഷിന്റെ നേതൃത്വത്തില്‍ കഴിയുമെന്നും മുലായം പറഞ്ഞു.