മുസഫര്‍നഗര്‍: ഉത്തര്‍പ്രദേശില്‍ രണ്ടു വയസുകാരനായ മകനെ കത്തിമുനയില്‍ നിര്‍ത്തി യുവതിയെ കൂട്ടബലാത്സംഗം ചെയ്തു. ഭര്‍ത്താവിനെ അടിച്ചുവീഴ്ത്തിയ ശേഷമായിരുന്നു നാലംഗ സംഘത്തിന്റെ അക്രമം. പൊലീസ് കേസെടുത്ത് അന്വേഷണം തുടങ്ങി.

ബസേര വില്ലേജില്‍നിന്ന് മുസഫര്‍നഗറിലേക്കു മോട്ടോര്‍ സൈക്കിളില്‍ മടങ്ങുകയായിരുന്ന കുടുംബത്തിനാണ് അക്രമം നേരിട്ടത്. കാറിലെത്തിയ നാലംഗ സംഘം, ഗംഗ കനാല്‍ പാലം അടച്ചിട്ടിരിക്കുകയാണെന്ന് തെറ്റിദ്ധരിപ്പിച്ച് യുവതിയെയും കുടുംബത്തെയും ഇടവഴിയിലൂടെ തിരിച്ചുവിടുകയായിരുന്നു. ഇവരെ പിന്തുടര്‍ന്ന സംഘം ആളൊഴിഞ്ഞ സ്ഥലത്ത് എത്തിയപ്പോള്‍ തടഞ്ഞുനിര്‍ത്തി. ഭര്‍ത്താവിനെ അടിച്ചുവീഴ്ത്തിയ സംഘം രണ്ടു വയസുകാരനായ മകനെ കത്തിമുനയില്‍ നിര്‍ത്തി യുവതിയെ ബലാത്സംഗത്തിന് ഇരയാക്കുകയായിരുന്നു. അക്രമത്തിനു ശേഷം ഇവര്‍ രക്ഷപെട്ടു. 

സമീപത്തെ ഒരു കര്‍ഷകന്റെ സഹായത്തോടെയാണ് കുടുംബം പൊലീസില്‍ വിവരം അറിയിക്കുകയായിരുന്നു. സ്ഥലത്തുനിന്നു തെളിവു ശേഖരിച്ചതായും അക്രമികള്‍ക്കെതിരെ അന്വേഷണം തുടങ്ങിയതായും പൊലീസ് അറിയിച്ച. ഉത്തര്‍പ്രദേശിലെ ക്രമസമാധാന നില അനുദിനം വഷളാവുകയാണെന്ന വിമര്‍ശനങ്ങള്‍ക്കിടെയാണ് സംഭവം റിപ്പോര്‍ട്ട് ചെയ്യപ്പെട്ടിരിക്കുന്നത്.