ന്യൂഡല്ഹി:തുടര്ച്ചയായ പന്ത്രണ്ടാം ദിവസും പ്രതിദിന കോവിഡ് രോഗികളേക്കാള് കൂടുതല് രോഗമുക്തര്. ഒരു മാസമായി രോഗമുക്തി നൂറ് ശതമാനമാണെന്ന് കേന്ദ്ര ആരോഗ്യമന്ത്രാലയം വ്യക്തമാക്കുന്നു.
ഇന്ന് 76,737 പേരാണ് രോഗമുക്തി നേടിയത്. 74,442 പേര് പുതുതായി രോഗബാധിതരായപ്പോഴാണ് രോഗമുക്തിയില് തുടരുന്ന ഈ വര്ധന. രോഗമുക്തി നേടിയവരുടെ എണ്ണം 56 ലക്ഷം കടക്കുകയാണ്. 55,86,703 പേരാണ് ഇതുവരെ രോഗമുക്തി നേടിയതെന്ന് സര്ക്കാര് കണക്കുകള് വ്യക്തമാക്കുന്നു.
രണ്ടാഴ്ചക്കിടെ, ചികിത്സയിലുളളവരുടെ എണ്ണം പത്തുലക്ഷത്തില് താഴെയായി നിലനിര്ത്താന് സാധിച്ചുവെന്നും കേന്ദ്ര ആരോഗ്യമന്ത്രാലയം വ്യക്തമാക്കി. പരിശോധനകളുടെ എണ്ണം വര്ധിപ്പിച്ചതും ട്രേസിലും ചികിത്സയിലും കൂടുതല് കാര്യക്ഷമത പുലര്ത്താന് സാധിച്ചതുമാണ് ഈ നേട്ടത്തിന് കാരണമെന്നും സര്ക്കാര് അവകാശപ്പെടുന്നു. മൊത്തം കോവിഡ് ബാധിതരുടെ 14 ശതമാനമാണ് നിലവില് ചികിത്സയിലുളളവര്.
ചികിത്സയിലുളളവരില് 77 ശതമാനം പേരും പത്തു സംസ്ഥാന കേന്ദ്ര ഭരണപ്രദേശങ്ങളില് നിന്നുളളവരാണ്. ഇതില് കേരളം മൂന്നാം സ്ഥാനത്താണ്. 84000ലധികം പേരാണ് കേരളത്തില് ചികിത്സയില് കഴിയുന്നത്. മഹാരാഷ്ട്രയാണ് മുന്പന്തിയില്. രണ്ടര ലക്ഷം വരും. കര്ണാടകയില് ഇത് 1.15 ലക്ഷമാണെന്നും സര്ക്കാര് കണക്കുകള് വ്യക്തമാക്കുന്നു.
24 മണിക്കൂറിനിടെ രാജ്യത്ത് ഉണ്ടായ 903 മരണങ്ങളില് 82 ശതമാനവും പത്ത് സംസ്ഥാന കേന്ദ്രഭരണപ്രദേശങ്ങളിലാണ്. മഹാരാഷ്ട്രയാണ് മുന്പന്തിയില്. കര്ണാടക, തമിഴ്നാട്, പശ്ചിമബംഗാള്, ഉത്തര്പ്രദേശ് തുടങ്ങിയവയാണ് തൊട്ടുപിന്നിലെന്നും സര്ക്കാര് കണക്കുകള് വ്യക്തമാക്കുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates