ന്യൂ​ഡ​ൽ​ഹി: രാഹുൽ​ഗാന്ധി പരാജയമാണെന്ന് കോൺ​ഗ്രസ് സമ്മതിച്ചെന്ന് ബിജെപി. പ്രിയങ്ക ​ഗാന്ധിയെ നേതൃത്വത്തിലേക്ക് ഉയർത്തുന്നു എന്ന വാർത്തയോട് പ്രതികരിക്കുകയായിരുന്നു ബിജെപി വക്താവ് സാംബിത് പത്ര. ഒ​രു പാ​ർ​ട്ടി​യാ​കെ ഒ​രു കു​ടും​ബ​ത്തി​ന് പി​ന്നാ​ലെ പോ​കു​ന്ന കാ​ഴ്ച​യാ​ണ് ഇ​പ്പോ​ൾ കാ​ണാ​നാ​കു​ന്ന​തെ​ന്നും അദ്ദേഹം പരിഹസിച്ചു. 

കോൺ​ഗ്രസ് കുടുംബത്തെയാണ് പാർട്ടിയായി കാണുന്നത്. എന്നാൽ ബിജെപിയാകട്ടെ പാർട്ടിയെയാണ് കുടുംബമായി കാണുന്നത്. എല്ലാ തീരുമാനവും ഒരു കുടുംബത്തിൽ നിന്നാണ്. നെഹ്റുവിന് ശേഷം, ഇന്ദിരാ​ഗാന്ധി, രാജീവ് ​ഗാന്ധി, സോണിയാ​ഗാന്ധി, പിന്നെ രാഹുൽ ​ഗാന്ധി. പാർട്ടിയുടെ നേതൃത്വത്തിലേക്ക് കടന്നുവന്ന ഇവരെല്ലാം ഒരു കുടുംബത്തിൽ നിന്നാണ്. ഇതാണ് പുതിയ ഇന്ത്യ ചോദിക്കുന്നതെന്നും സാംബിത് പത്ര പറഞ്ഞു. 

കി​ഴ​ക്ക​ൻ ഉ​ത്ത​ർ​പ്ര​ദേ​ശി​ന്‍റെ ചു​മ​ത​ല​യു​ള്ള എ​ഐ​സി​സി ജ​ന​റ​ൽ സെ​ക്ര​ട്ട​റി​യാ​യാണ് പ്രിയങ്ക ​ഗാന്ധിയെ കോൺ​ഗ്രസ് അധ്യക്ഷൻ രാഹുൽ​ഗാന്ധ‌ി നിയമിച്ചത്. ഇതോടെ സോണിയ മൽസരിച്ച സീറ്റിൽ ഇത്തവണ പ്രിയങ്ക മൽസരിച്ചേക്കുമെന്ന അഭ്യൂഹങ്ങൾക്കും ശക്തിയേറി. 

അതേസമയം പ്രിയങ്ക​ഗാന്ധിയുടെ വരവ് യുപിയിലെ പാർട്ടിക്ക് കൂടുതൽ ഉണർവേകുമെന്ന് കോൺ​ഗ്രസ് നേതാവ് രാജീവ് ശുക്ല പറഞ്ഞു. യുപിയിൽ മാത്രമല്ല രാജ്യത്തെ കോൺ​ഗ്രസിന് തന്നെ പ്രിയങ്കയുടെ നേതൃത്വത്തിലേക്കുള്ള വരവ് ​ഗുണകരമാകും. ഫെബ്രുവരി ഒന്നിന് അവർ ചുമതലയേറ്റെടുക്കുമെന്നും രാജീവ് ശുക്ല വ്യക്തമാക്കി.