ന്യൂഡല്‍ഹി: ലൈംഗികബന്ധത്തിന് വിസമ്മതിച്ച ട്രാന്‍സ്‌ജെന്‍ഡറിന് നേരെ വധശ്രമം. ഡല്‍ഹിയിലെ നിസാമുദ്ദീന്‍ പൊലീസ് സ്റ്റേഷനു സമീപമാണ് സംഭവമുണ്ടായത്. ത്രിലോക് പുരിയില്‍ നിന്നും ബാറാഫുല്ലയിലേക്ക് യാത്ര ചെയ്യുന്നതിനായി കാറില്‍ ലിഫ്റ്റ് നല്‍കിയവരാണ് 21കാരിയായ ട്രാന്‍സ്‌വുമണിനെ ലൈംഗിക ബന്ധത്തിന് നിര്‍ബന്ധിച്ചത്. എതിര്‍പ്പ് പ്രകടിപ്പിച്ചതോടെ അടിവയറ്റില്‍ വെടിയുതിര്‍ത്ത് കാറില്‍ നിന്നും പുറത്തേക്ക് വലിച്ചെറിയുകയായിരുന്നു.
പുലര്‍ച്ചെ ഒരുമണിയോടെയാണ് ഡിസ്ട്രസ് കോള്‍ ലഭിച്ചതെന്നും സന്ദേശം ലഭിച്ചയുടന്‍ സ്ഥലത്തെത്തിയെന്നും പൊലീസ് പറയുന്നു. റോഡ് സൈഡില്‍ രക്തത്തില്‍ കുളിച്ച് കിടന്ന ഇവരെ വേഗത്തില്‍ അടുത്തുള്ള മൂല്‍ചന്ദ് ആശുപത്രിയിലേക്ക് മാറ്റുകയായിരുന്നു. യുവതി അപകടനില മറികടന്നതായും പൊലീസ് വ്യക്തമാക്കി.
സംഭവത്തില്‍ സാഗര്‍ കുമാര്‍(ലംപക്) എന്നയാളെ അറസ്റ്റ് ചെയ്തിട്ടുണ്ട്. വെടിവയ്ക്കാന്‍ ഉപയോഗിച്ച തോക്കും സാഗറില്‍ നിന്ന് കണ്ടെടുത്തു. ട്രാന്‍സ്‌ജെന്‍ഡറിനെ വെടിവച്ച് വലിച്ചെറിഞ്ഞ ശേഷം അമിതവേഗത്തില്‍ പോകുന്നതിനിടെയാണ് ഇയാള്‍ പിടിയിലായത്. വാഹന പരിശോധനയ്ക്കായി പൊലീസ് തടഞ്ഞപ്പോള്‍ ബാരിക്കേഡ് തെറിപ്പിച്ച് കടന്നു പോകാന്‍ ശ്രമിച്ചു. ഇതോടെ പിന്നാലെയെത്തി പൊലീസ് പിടികൂടുകയായിരുന്നു. തുടര്‍ന്ന് നടത്തിയ ചോദ്യം ചെയ്യലിലാണ് പ്രതി കുറ്റം സമ്മതിച്ചത്. ഇയാളുടെ സുഹൃത്തായ കാന്തിനായി പൊലീസ് തെരച്ചില്‍ നടത്തുകയാണ്. രണ്ട് പേര്‍ക്കുമെതിരെ കൊലപാതക ശ്രമത്തിന് കേസെടുത്തു. സുന്ദര്‍ ബട്ടി ഗ്യാങിലുള്ളവരാണ് ഇവര്‍.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates