ന്യൂഡല്‍ഹി: മദ്രാസ് ഹൈക്കോടതി മുന്‍ ചീഫ് ജസ്റ്റിസ് താഹില്‍ രമണിക്കെതിരെ സിബിഐ അന്വേഷണം. ഒന്നരക്കോടിയുടെ കൈക്കൂലി വാങ്ങിയെന്ന ഇന്റലിജന്‍സ് ബ്യൂറോയുടെ റിപ്പോര്‍ട്ടിന്റെ അടിസ്ഥാനത്തിലാണ് നടപടി. നിയമ നടപടികളുമായി മുന്നോട്ടുപോകാന്‍ സുപ്രീം കോടതി ചീഫ് ജസ്റ്റിസ് അനുമതി നല്‍കി.  

രണ്ട് ആരോപണങ്ങളാണ് ഇവര്‍ക്കെതിരെ ഉയര്‍ന്നിട്ടുള്ളത്. അനധികൃതമായി രണ്ട് ഫ്‌ലാറ്റുകള്‍ സമ്പാദിച്ചെന്നാണ് ഒരു ആരോപണം. വിഗ്രഹ മോഷണക്കേസില്‍ ഇടപെട്ടുവെന്നതാണ് രണ്ടാമത്തെ ആരോപണം. 

വിഗ്രഹ മോഷണക്കേസ് പരിഗണിച്ച ബെഞ്ച് പിരിച്ച് വിട്ടതാണ് അന്വേഷിക്കുന്നത്. ഇവരുടെ ആറ് ബാങ്ക് അക്കൗണ്ടുകള്‍ സംബന്ധിച്ചും അന്വേഷണം നടക്കും. താഹില്‍ രമണിയുടെ സ്ഥലം മാറ്റിയതിന് ശേഷമാണ് നടപടിയെന്നതും ശ്രദ്ധേയമാണ്.