ചെന്നൈ: വിജയകാന്തിന്റെ നേതൃത്വത്തിലുള്ള ഡിഎംഡികെ ലോക്‌സഭാ തെരഞ്ഞെടുപ്പില്‍ എഐഎഡിഎംകെ സഖ്യത്തിന്റെ ഭാഗമാവും. ബിജെപിയും പിഎംകെയുമാണ് സഖ്യത്തിലെ മറ്റു പ്രധാന ഘടകകക്ഷികള്‍.

ഡിഎംഡികെ സഖ്യത്തിന്റെ ഭാഗമാവുമെന്ന് ഉപമുഖ്യമന്ത്രിയും എഐഎഡിഎംകെ നേതാവുമായ ഒ പനീര്‍ശെല്‍വം അറിയിച്ചു. സീറ്റു ധാരണ എങ്ങനയെന്ന് വ്യക്തമാക്കിയിട്ടില്ല. സഖ്യത്തിന്റെ കാര്യത്തില്‍ ഇന്നു തീരുമാനമെടുക്കുമെന്ന് വിജയകാന്ത് നേരത്തെ അറിയിച്ചിരുന്നു.

സഖ്യത്തില്‍ പിഎംകെയ്ക്കു ലഭിക്കുന്ന പരിഗണന കിട്ടണമെന്നാണ് ഡിഎംഡികെയുടെ മുഖ്യ ആവശ്യം. ഏഴു ലോക്‌സഭാ സീറ്റുകളും ഒരു രാജ്യസഭാ സീറ്റുമാണ് പിഎംകെയ്ക്കു ലഭിക്കുന്നത്.