ലക്‌നൗ: വിദ്വേഷ പ്രസംഗത്തിന് യുപി മുഖ്യമന്ത്രി യോഗി ആദിത്യനാഥിനെതിരെ കേസെടുക്കാത്തത് എന്താണെന്ന് സുപ്രിംകോടതി. 2007 ല്‍ ഗൊരഖ്പൂറില്‍ നടത്തിയ പ്രസംഗത്തിലാണ് സുപ്രിംകോടതിയുടെ വിമര്‍ശനം. നാലാഴ്ചയ്ക്കകം വിശദീകരണം നല്‍കണമെന്ന് ഉത്തര്‍പ്രദേശ് സര്‍ക്കാരിനോട് കോടതി ആവശ്യപ്പെട്ടിട്ടുണ്ട്.

യോഗി ആദിത്യനാഥിനെ പ്രോസിക്യൂട്ട് തടഞ്ഞത് ചോദ്യം ചെയ്തുകൊണ്ട് അലഹബാദ് ഹൈക്കോടതി പുറപ്പെടുവിച്ച  വിധിക്കെതിരെ
നല്‍കിയ ഹര്‍ജിയിലാണ് സുപ്രിംകോടതി യുപി സര്‍ക്കാരിനെ വിമര്‍ശിച്ചത്. 

വര്‍ഗ്ഗീയ ലഹളയ്ക്ക് പ്രേരിപ്പിക്കുന്ന പ്രസംഗമാണ് 2007 ല്‍ എംപി ആയിരുന്ന സമയത്ത് ആദിത്യനാഥ് നടത്തിയത് വ്യാപക പരാതി ഉയര്‍ന്നിരുന്നു. ഇതേത്തുടര്‍ന്ന് പൊലീസ് കേസെടുത്തിരുന്നുവെങ്കിലും യോഗിയെ കസ്റ്റഡിയിലെടുത്ത് ചോദ്യം ചെയ്തിരുന്നില്ല. ഗൊരഖ്പൂറിലെ റെയില്‍വേ സ്റ്റേഷന് പുറത്ത് നടന്ന പൊതുയോഗത്തിലാണ് യോഗി ആദിത്യനാഥ് വിവാദ പ്രസംഗം നടത്തിയത്.