ബെംഗളൂരു: വിഭാഗീയത രൂക്ഷമായ കര്‍ണാടക കോണ്‍ഗ്രസ് യൂണിറ്റ് പിരിച്ചുവിട്ടു. സംസ്ഥാന അധ്യക്ഷന്‍ ദിലീപ് ഗുണ്ടു റാവുവുവിനെയും വര്‍ക്കിങ് പ്രസിഡന്റ് ഈശ്വര്‍ ഖന്ദ്രേയെയും ഒഴിച്ചാണ് യൂണിറ്റ് പിരിച്ചുവിട്ടത്. കര്‍ണാടകയുടെ ചുമതലയുള്ള എഐസിസിസി ജനറല്‍ സെക്രട്ടറി കെസി വേണുഗോപാലിനെ കോമാളിയെന്ന് വിളിച്ച എംഎല്‍എ റോഷന്‍ ബൈഗിനെ സസ്പന്റ് ചെയ്തതിന് പിന്നാലെയാണ് യൂണിറ്റ് പിരിച്ചുവിട്ടത്. 

റോഷന്റെ സസ്‌പെന്‍ഷന്‍ എഐസിസി അംഗീകരിച്ചു.പാര്‍ട്ടി വിരുദ്ധ പ്രവര്‍ത്തനം ചൂണ്ടിക്കാട്ടിയാണ് റോഷനെ പുറത്താക്കിയത്. മുതിര്‍ന്ന നേതാക്കള്‍ക്കെതിരെ ഇദ്ദേഹം നടത്തിയ പരസ്യ പ്രസ്താവനകളെ തുടര്‍ന്ന് പ്രത്യേക അന്വേഷണ കമ്മിഷന്‍ അന്വേഷണം നടത്തി റിപ്പോര്‍ട്ട് സമര്‍പ്പിച്ചിരുന്നു.

 ലോക്‌സഭാ തെരഞ്ഞെടുപ്പില്‍ സംസ്ഥാനത്ത് മ്പൂര്‍ണ്ണ പരാജയം ഏറ്റുവാങ്ങിയതിന് പിന്നാലെയായാണ് കര്‍ണാടക കോണ്‍ഗ്രസില്‍ വിഭാഗീയത രൂക്ഷമായത്. തോല്‍വിയുടെ ഉത്തരവാദിത്തം കെപിസിസി അദ്ധ്യക്ഷന്‍ ദിനേഷ് ഗുണ്ടുറാവുവിനും മുന്‍ മുഖ്യമന്ത്രി സിദ്ധരാമയ്യക്കുമാണെന്ന് വിമര്‍ശിച്ച് ബൈഗും മറ്റു മുതിര്‍ന്ന നേതാക്കളും രംഗത്ത് വന്നിരുന്നു.