ഡെറാഡൂണ്‍: യുവതിയും ഭര്‍ത്താവും അച്ഛന്റെയും സഹോദരന്റെയും വെടിയേറ്റുമരിച്ചു. വീട്ടുകാര്‍ക്ക് ഇഷ്ടമില്ലാത്ത വിവാഹം കഴിച്ചതിന് പി്ന്നാലെയാണ് ഇരുവരും ചേര്‍ന്ന് മകളെയും ഭര്‍ത്താവിനെയും വെടിവച്ചുകൊന്നത്. തിങ്കളാഴ്ച രാത്രി ഉത്തരാഖണ്ഡിലെ ഉദ്ദംസിങ് നഗറിലായിരുന്നു സംഭവം.

പെണ്‍കുട്ടി വീട്ടില്‍ നിന്നും ജൂണില്‍ സുഹൃത്തിനൊപ്പം ഒളിച്ചോടിയിരുന്നു. ഇതിന് പിന്നാലെ ഇവര്‍ വിവാഹിതരായി. തുടര്‍ന്ന് പെണ്‍കുട്ടിയുടെ പിതാവ് യുവാവിന്റെ വീട്ടിലെത്തി ഭീഷണിപ്പെടുത്തുകയും ഇവരെ ഒരുമിച്ച കൊണ്ടാല്‍ കൊല്ലുമെന്ന് പറയുകയും ചെയ്തിരുന്നു. 

ദിവസങ്ങള്‍ക്ക് ശേഷം പിതാവ് ഇവരെ വീട്ടിലേക്ക് വിളിക്കുകയും കുറച്ച് ദിവസം താമസിക്കാന്‍ അഭ്യര്‍ത്ഥിക്കുകയും ചെയ്തു. തങ്ങളുടെ ബന്ധം വീട്ടുകാര്‍ അംഗീകരിച്ചെന്നറിഞ്ഞതോടെ യുവതി ഭര്‍ത്താവിനൊപ്പം വീട്ടിലെത്തുകയും ചെയ്തു. തിങ്കളാഴ്ച രാത്രി മോട്ടേര്‍ സൈക്കളില്‍ ചന്തയില്‍ നിന്നും മടങ്ങി വരുന്നതിനിടെ ഇവരെ തടഞ്ഞുനിര്‍ത്തി അച്ഛനും സഹോദരനും ചേര്‍ന്ന് വെടിവക്കുകയായിരുന്നു. സംഭവത്തിന് പിന്നാലെ ഇവര്‍ അവിടെനിന്ന് ഓടി രക്ഷപ്പെടുകയും ചെയ്തു.