കൊല്‍ക്കത്ത: സായാഹ്ന നടത്തിനിറങ്ങിയ പതിനേഴുകാരിയെ നാലംഗ സംഘം തട്ടിക്കൊണ്ടുപോയി കൂട്ടബലാത്സംഗം ചെയ്തു. ബംഗാളിലെ കൊല്‍ക്കത്തയിലാണ് സംഭവം നടന്നത്. വെള്ളിയാഴ്ച നടന്ന സംഭവത്തില്‍ ഒരാളെ പൊലീസ് അറസ്റ്റ് ചെയ്തു. 

സുഹൃത്തിന്റെ കൂടെയാണ് പെണ്‍കുട്ടി നടക്കാനിറങ്ങിയത്. വീട്ടില്‍ നിന്ന് രണ്ടുകിലോമീറ്റര്‍ കഴിഞ്ഞപ്പോള്‍ പിന്തുടര്‍ന്നെത്തിയ സംഘം ഇവരെ ആക്രമിക്കുകയായിരുന്നു. സുഹൃത്തിനെ അടിച്ചിട്ട ഇവര്‍ പെണ്‍കുട്ടിയുമായി കടന്നു. 

10.30ഓടെ പട്രോളിങ്ങിനെത്തിയ പൊലീസ് സംഘം, കരച്ചില്‍ കേട്ട് നടത്തിയ തെരച്ചിലിനൊടുവിലാണ് പെണ്‍കുട്ടിയെ രക്ഷിക്കാനായത്. പൊലീസിനെ കണ്ട് മറ്റു മൂന്നുപേരും ഓടിരക്ഷപ്പെട്ടു. പ്രദേശത്തുണ്ടായിരുന്ന നാലാമനെ പൊലീസ് പിടികൂടുകയായിരുന്നു.