ശ്രീനഗര്‍:  ശ്രീനഗറിലെ റീപോളിംഗ് നടന്ന 38 പോളിംഗ് ബൂത്തുകളില്‍ പോളിംഗ് രണ്ട് ശതമാനം മാത്രം. ഞായറാഴ്ച നടന്ന ഉപതെരഞ്ഞെടുപ്പില്‍ ശ്രീനഗര്‍ ലോക്‌സഭാ സീറ്റില്‍ ആകെ രേഖപ്പെടുത്തിയ വോട്ട് 7.14 ശതമാനമായിരുന്നു. ഇന്ന് റീപോളിംഗ് നടന്ന 38 പോളിംഗ് സ്‌റ്റേഷനുകളില്‍ ആകെ 35, 169 വോട്ടര്‍മാരായിരുന്നു ഉള്ളത്. വോട്ട് രേഖപ്പെടുത്തിയവരുടെ എണ്ണം 702 പേര്‍ മാത്രമാണ്. 

ചാദൂരയില്‍ 16ഉം ബുദ്ഗാമില്‍ എട്ടും ബീര്‍വയില്‍ അഞ്ചും ചരാരിഷെരീഫില്‍ എട്ടും ഖാന്‍സാഹിബിലില്‍ ഒന്നും പോളിംഗ് സ്‌റ്റേഷനുകളിലാണ് റീപോളിംഗ് നടന്നത്. ഞായറാഴ്ച നടന്ന ഉപ തെരഞ്ഞെടുപ്പില്‍ വ്യാപകമായ അക്രമമുണ്ടായതിനെത്തുടര്‍ന്ന് 8 പേര്‍ കൊല്ലപ്പെട്ടിരുന്നു. നൂറിലേറെ സൈനികര്‍ക്ക് പരുക്കേറ്റിരുന്നു. 

ഇന്നത്തെ റീപോളിംഗില്‍ കാര്യമായ ആകമണങ്ങള്‍ ഉണ്ടായതായി റിപ്പോര്‍ട്ടില്ല. ഏപ്രില്‍ 15നാണ് തെരഞ്ഞടുപ്പ് ഫലപ്രഖ്യാപനം. 2014 പൊതുതെരഞ്ഞെടുപ്പില്‍ ശ്രീനഗര്‍ ലോക്‌സഭാ മണ്ഡലത്തില്‍ 26 
ശതമാനമായിരുന്നു പോളിംഗ്.