സംശയാസ്പതമായ സാഹചര്യത്തില്‍ പത്താന്‍കോട്ട് വ്യോമസേന താവളത്തിന് സമീപം ബാഗ് കണ്ടെത്തിയതിനെ തുടര്‍ന്ന് സുരക്ഷ ശക്തമാക്കി. ഞായറാഴ്ച രാത്രിയായിരുന്നു മാമൂണ്‍ മിലിറ്ററി സ്റ്റേഷന് സമീപം ബാഗ് ഉപേക്ഷിച്ച നിലയില്‍ ബാഗ് കണ്ടെത്തിയത്. 

പ്രദേശവാസി വിവരമറിയിച്ചതോടെയാണ് പൊലീസ് സ്ഥലത്തെത്തിയത്. അഞ്ച് ഷര്‍ട്ടും രണ്ട് ട്രൗസറുകളും ഉണ്ടായിരുന്ന ബാഗില്‍ ജമ്മു എന്ന് എഴുതിയിരുന്നു. 

ഈ മാസം ആദ്യവും രണ്ട് ബാഗുകള്‍ സംശയാസ്പദമായ സാഹചര്യത്തില്‍ കണ്ടെത്തിയതിനെ തുടര്‍ന്ന് പത്താന്‍കോട്ട് വ്യോമസേന താവളത്തിന്റെ സുരക്ഷ വര്‍ധിപ്പിച്ചിരുന്നു. അന്ന് മൊബൈല്‍ ടവര്‍ ബാറ്ററികളായിരുന്നു ബാഗില്‍ നിന്നും കണ്ടെടുത്തത്. 

കഴിഞ്ഞ വര്‍ഷം ജനുവരിയില്‍ പത്താന്‍കോട്ട് വ്യോമസേന താവളത്തിലുണ്ടായ ഭീകരവാദി ആക്രമണത്തില്‍ ഏഴ് ജവാന്മാര്‍ കൊല്ലപ്പെട്ടിരുന്നു.