ഷിംല: ഹിമാചൽ പ്രദേശിൽ മഞ്ഞിടിച്ചിലിൽ അകപ്പെട്ട് സൈനികൻ മരിച്ചു. കിന്നൗർ ജില്ലയിലെ നാംഗ്യ മേഖലയിലായിരുന്നു അപകടം. അപകടത്തിൽ അഞ്ച് സൈനികർ ഇവിടെ കുടുങ്ങിയിട്ടുണ്ട്. ഒരാളെ രക്ഷിച്ച് ആശുപത്രിയിൽ കൊണ്ടുപോകവെയാണ് മരണം സംഭവിച്ചത്.

ബുധനാഴ്ച രാവിലെ 11 മണിക്കാണ് ശക്തമായ മഞ്ഞിടിച്ചിലിൽ ആറ് സൈനികർ കുടുങ്ങിയത്. ഇന്ത്യ-ചൈന അതിർത്തിയിൽ ഷിപ്പി ലാ മേഖലയിൽ വിന്യസിച്ച സൈനികരാണ് അപകടത്തിൽപ്പെട്ടത് .

പ്രദേശത്ത് ഇന്തോ–ടിബറ്റൻ പൊലീസ് ഫോഴ്സിന്റെ നേതൃത്വത്തിൽ തിരച്ചിലും രക്ഷാപ്രവർത്തനവും ഊർജിതമായി നടക്കുകയാണ്. സഹായത്തിനായി ജില്ലാ പൊലീസുമുണ്ട്.