മലപ്പുറം: സംസ്ഥാന സര്‍ക്കാരിന്റെ സമ്മര്‍ ബംപര്‍ ലോട്ടറിയുടെ ഒന്നാം സമ്മാനം പരപ്പനങ്ങാടി സ്വദേശിക്ക്. പാലക്കാട് നിന്നും എടുത്ത ടിക്കറ്റിനാണ് പരപ്പനങ്ങാടി നെടുവ സ്വദേശി എന്‍ വി പത്മനാഭന് പത്ത് കോടി രൂപ സമ്മാനം ലഭിച്ചത്. പരപ്പനങ്ങാടി എസ്ബിഐയിലെത്തി പത്മനാഭന്‍ ടിക്കറ്റ് കൈമാറി.

കഴിഞ്ഞ 26 നാണ് പത്മനാഭന്‍ ലോട്ടറിയെടുത്തത്. കോയമ്പത്തൂര്‍ പോയി തിരികെ വരുന്നവഴി പാലക്കാട് ഹോട്ടലില്‍ കയറി ഭക്ഷണം കഴിച്ചിറങ്ങിയതിന് ശേഷമാണ് ടിക്കറ്റ് എടുത്തത്. ഇന്നലെ രാവിലെയാണ് സമ്മാനമുണ്ടെന്ന് അറിഞ്ഞതെന്ന് പത്മനാഭന്‍ മാധ്യമങ്ങളോട് പ്രതികരിച്ചു.

ശനിയാഴ്ചയായിരുന്നു സമ്മര്‍ ബംപര്‍ ലോട്ടറി നറുക്കെടുപ്പ് നടന്നത്. പാലക്കാട് ജില്ലയിലെ ഏജന്റായ എസ്.മധുസൂദനന്‍ ആണ് ഒന്നാം സമ്മാനമായ 10 കോടി രൂപ ലഭിച്ച എസ് ബി 517026 എന്ന ടിക്കറ്റ് വിറ്റത്.