കുവൈറ്റ് സിറ്റി: ​ഗൾഫിൽ കോവിഡ് ബാധിച്ച് നാല് മലയാളികൾ കൂടി മരിച്ചു. ഇതിൽ മൂന്ന് പേർ കുവൈറ്റിലാണ് മരിച്ചത്. ഒരാൾ അബുദാബിയിലാണ് മരിച്ചത്. 

കുവൈത്തിൽ നഴ്സായിരുന്ന തിരുവല്ല മഞ്ഞാടി സ്വദേശി ആനി മാത്യു കഴിഞ്ഞ രാത്രിയാണ് മരിച്ചത്. കൊല്ലം അഞ്ചൽ സ്വദേശി രേണുക തങ്കമണി, മലപ്പുറം മുന്നിയൂർ സ്വദേശി സൈദലവി എന്നിവരും കുവൈത്തിലാണ് മരിച്ചത്. 

കായംകുളം പുള്ളിക്കണക്ക് സ്വദേശി ജി ശശികുമാർ ആണ് അബുദാബിയിൽ മരിച്ചത്. ഇതോടെ ഗൾഫിൽ മരിച്ച മലയാളികളുടെ എണ്ണം എഴുപത്തഞ്ചായി.