തൃശൂർ: കഞ്ചാവ് കേസ് പ്രതി റഫീഖിനെ വെട്ടിക്കൊന്ന സംഭവത്തിൽ ഒരാൾ പിടിയിൽ. പാലക്കാട് സ്വദേശി ഷബീർ അലിയാണ് പിടിയിലായത്. പഴയന്നൂരിൽ നിന്നാണ് ഇയാളെ പിടികൂടിയത്. 

തിരുവില്വാമല പട്ടിപ്പറമ്പിലാണ് ഒറ്റപ്പാലം സ്വദേശി റഫീഖ് (32) നെ കൊല്ലപ്പെട്ട നിലയിൽ കണ്ടെത്തിയത്. വാടക വീട്ടിലാണ് മൃതദേഹം കണ്ടെത്തിയത്. കഞ്ചാവ് കേസിലെ പ്രതിയാണ് കൊല്ലപ്പെട്ട റഫീഖ്. ഇയാളുടെ സുഹൃത്ത് പാലക്കാട് സ്വദേശി ഫാസിലിനും വെട്ടേറ്റിരുന്നു. 

കഞ്ചാവു വിൽപ്പനയിലെ പണവുമായി ബന്ധപ്പെട്ട തർക്കമാണ് കൊലയ്ക്ക് പിന്നിലെന്നാണ് പൊലീസിന്റെ പ്രാഥമിക നിഗമനം. മൂന്നാഴ്ചയ്ക്കിടെ തൃശൂർ ജില്ലയിൽ ഉണ്ടാകുന്ന ഒമ്പതാമത്തെ കൊലപാതകമാണ് റഫീഖിന്റേത്.