ഇടുക്കി: പി ജെ ജോസഫ് എംഎൽഎ സ്വയം കോവിഡ് നിരീക്ഷണത്തിൽ പ്രവേശിച്ചു. കരിങ്കുന്നത്ത്‌ പങ്കെടുത്ത പരിപാടിയിൽ ഒപ്പമുണ്ടായിരുന്ന പഞ്ചായത്ത് അംഗത്തിന് ഇന്ന് വൈറസ് ബാധ സ്ഥിരീകരിച്ചതിന് പിന്നാലെയാണ് എംഎൽഎ നിരീക്ഷണത്തിൽ പ്രവേശിച്ചത്. ചൊവ്വാഴ്ചയാണ് ഇരുവരും ഒന്നിച്ച് പരിപാടിയിൽ പങ്കെടുത്തത്. നിരീക്ഷണത്തിലായതിനാൽ സമീപ ദിവസങ്ങളിൽ നടത്താനിരുന്ന പരിപാടികൾ മാറ്റിവെച്ചതായി അദ്ദേഹം അറിയിച്ചു.

ഇടുക്കിയിൽ ഇന്ന് 100 പേർക്കാണ് കോവിഡ് സ്ഥിരീകരിച്ചിട്ടുള്ളത്. 70 പേർക്ക് സമ്പർക്കത്തിലൂടെയാണ് രോഗം ബാധിച്ചിരിക്കുന്നത്. ഇതിൽ 15 പേർക്ക് രോഗം ബാധിച്ചത് എവിടെ നിന്നാണെന്ന് വ്യക്തമല്ല. രോഗം സ്ഥിരീകരിച്ചവരിൽ 2 പേർ വിദേശത്ത് നിന്നും 28 പേർ മറ്റ് സംസ്ഥാനങ്ങളിൽ നിന്നും വന്നവരാണ്.