മാര്‍പാപ്പയ്ക്ക് ശ്വാസകോശ കാന്‍സര്‍, ജൂതപ്പള്ളിക്ക് മുന്നില്‍ തീയിട്ടയാള്‍ പിടിയില്‍, പരമ്പര പിടിക്കാന്‍ ഇന്ത്യ; ഇന്നത്തെ 5 പ്രധാന വാര്‍ത്തകള്‍

ലിയോ പതിനാലാമന്‍ മാര്‍പാപ്പയ്ക്ക് ശ്വാസകോശ അര്‍ബുദം സ്ഥിരീകരിച്ചതായി വത്തിക്കാന്‍. എറണാകുളം ജൂതപ്പള്ളിക്ക് മുന്നില്‍ തീയിട്ട യുവാവ് പിടിയില്‍. വെസ്റ്റ് ഇന്‍ഡീസിനെതിരായ പരമ്പര പിടിക്കാന്‍ ഇന്ത്യ ഇറങ്ങുന്നു. ഇന്നത്തെ 5 പ്രധാന വാര്‍ത്തകള്‍ ( Top 5 News Today ) അറിയാം.

ലിയോ പതിനാലാമന്‍ മാര്‍പാപ്പയ്ക്ക് ശ്വാസകോശ അര്‍ബുദം സ്ഥിരീകരിച്ചതായി വത്തിക്കാന്‍. ശ്വാസകോശത്തില്‍ നടത്തിയ ശസ്ത്രക്രിയയ്ക്ക് പിന്നാലെയാണ് മാര്‍പാപ്പയ്ക്ക് ശ്വാസകോശ കാന്‍സര്‍ (ലങ് അഡിനോകാര്‍സിനോമ) സ്ഥിരീകരിച്ചതായി വത്തിക്കാന്‍ മെഡിക്കല്‍ ബുള്ളറ്റിന്‍ അറിയിച്ചത്. മാര്‍പാപ്പയുടെ വലത് ശ്വാസകോശത്തിന്റെ താഴത്തെ ലോബ് ശസ്ത്രക്രിയയിലൂടെ നീക്കം ചെയ്തു.

എറണാകുളം മാര്‍ക്കറ്റ് റോഡിലെ ജൂതപ്പള്ളിക്ക് മുമ്പില്‍ തീയിട്ട സംഭവത്തില്‍ യുവാവ് പിടിയില്‍. എറണാകുളം പുത്തന്‍കുരിശ് വടയമ്പാടി കുന്നത്തുകാവാലംകുഴി എബിന്‍ ബി പോള്‍ (32) ആണ് പൊലീസിന്റെ പിടിയിലായത്. ഇയാളുടെ വീട്ടില്‍ നടത്തിയ പരിശോധനയില്‍ ഹെറോയിനും ഫെന്റനൈലും ഉള്‍പ്പെടെയുള്ള നിരോധിത ലഹരിവസ്തുക്കളുടെ ശേഖരം കണ്ടെത്തിയിട്ടുണ്ട്. പ്രതിക്ക് തീവ്രവാദ ഗ്രൂപ്പുമായി ബന്ധമുണ്ടെന്ന് സൂചന.

ബിഹാറിലെ വൈശാലി ജില്ലയിലെ രാഘോപൂരില്‍ ഗംഗാനദിയില്‍ ബോട്ടു മറിഞ്ഞ് 13 പേര്‍ മരിച്ചു. ബോട്ടില്‍ 30 ഓളം പേരാണ് ഉണ്ടായിരുന്നത്. മരിച്ചവരില്‍ ഭൂരിഭാഗവും കുട്ടികളാണെന്നാണ് വിവരം. രാത്രി എട്ടുമണിയോടെയാണ് അപകടമുണ്ടായത്. അമിത ഭാരത്തെത്തുടര്‍ന്ന് നിയന്ത്രണം വിട്ട് ബോട്ട് മറിയുകയായിരുന്നുവെന്നാണ് റിപ്പോര്‍ട്ട്.

വെസ്റ്റ് ഇന്‍ഡീസിനെതിരായ അഞ്ച് മത്സരങ്ങളുടെ ടി20 പരമ്പര സ്വന്തമാക്കാന്‍ ഇന്ത്യ ഇന്ന് ഹൈദരാബാദില്‍ ഇറങ്ങുന്നു. പരമ്പരയില്‍ നിലവില്‍ 2-1ന് മുന്നിലുള്ള ഇന്ത്യക്ക്, നാലാം മത്സരത്തില്‍ വിജയിച്ചാല്‍ പരമ്പര സ്വന്തമാക്കാം. മറുവശത്ത്, പരമ്പര ജീവനോടെ നിലനിര്‍ത്താന്‍ വിന്‍ഡീസിന് ഈ മത്സരത്തില്‍ വിജയം അനിവാര്യമാണ്. മത്സരം രാത്രി 7 മണിക്ക് ആരംഭിക്കും.

വ്യാപാരത്തിൽ ലാഭം വർധിപ്പിക്കാൻ കഴിയുന്ന അവസരം ലഭിക്കും. പ്രണയ ബന്ധത്തിലെ തെറ്റിദ്ധാരണകൾ നീങ്ങും. കലാപരമായ കഴിവുകൾ പ്രകടിപ്പിക്കാൻ വേദി ലഭിക്കും. ഏറെക്കാലമായി ലഭിക്കാതിരുന്ന ഒരു തുക കൈ യിലെത്തും. ബന്ധുവിന്റെ വിവാഹ നിശ്ചയത്തിൽ പങ്കെടുക്കും. വാഹന യാത്രയിൽ കൂടുതൽ ജാഗ്രത പാലിക്കണം. ആരോഗ്യം മെച്ചപ്പെടും.