കാസര്‍കോട്: കൊളത്തൂര്‍ കുണ്ടംകുഴിയില്‍ ഫ്രിഡ്ജ് പൊട്ടിത്തെറിച്ച് വീടിന് തീപിടിച്ചു. ബി കെ ദാമോദരന്‍ ജോത്സ്യരുടെ വീട്ടിലാണ് അപകടം ഉണ്ടായത്. 
താഴത്തെ നിലയില്‍ അടുക്കളയില്‍ സൂക്ഷിച്ചിരുന്ന ഫ്രിഡ്ജാണ് പൊട്ടിത്തെറിച്ചത്. 
കനത്ത മഴയെ തുടര്‍ന്ന് വീട്ടുകാര്‍ ശബ്ദം കേട്ടില്ല.

പുലര്‍ച്ചെ കിടപ്പുമുറിയിലേക്ക് പുക എത്തിയത് കണ്ട് നോക്കിയപ്പോഴാണ് തീപിടിത്തം ശ്രദ്ധയില്‍പ്പെട്ടത്. വീടിനും ഗൃഹോപകരണങ്ങള്‍ക്കും  സാരമായ നാശനഷ്ടം സംഭവിച്ചിട്ടുണ്ട്. ഷോര്‍ട്ട് സര്‍ക്യൂട്ടാണ് അപകടത്തിന് കാരണമായതെന്ന് പൊലീസ് പറയുന്നു.