കൊച്ചി: അസം സ്വദേശിയായ 13 വയസ്സുകാരിയെ പീഡിപ്പിച്ച് ഗര്ഭിണിയാക്കിയ കേസില് പ്രതിക്ക് 100 വര്ഷം തടവുശിക്ഷ വിധിച്ച് കോടതി. ബന്ധുവായ 42 വയസ്സുകാരനെയാണ് പെരുമ്പാവൂര് സ്പെഷ്യല് ഫാസ്റ്റ് ട്രാക്ക് കോടതി ശിക്ഷിച്ചത്. അഞ്ച് വ്യത്യസ്ത വകുപ്പുകളിലായി 20 വര്ഷം വീതം തടവ് കണക്കാക്കിയാണ് ആകെ നൂറ് വര്ഷത്തെ ശിക്ഷ വിധിച്ചിരിക്കുന്നത്.
2020 മുതല് 2022 വരെയുള്ള കാലയളവില് പ്രതി പെണ്കുട്ടിയെ നിരന്തരം ലൈംഗിക പീഡനത്തിന് ഇരയാക്കിയെന്നാണ് കേസ്. പീഡനത്തെത്തുടര്ന്ന് ഗര്ഭിണിയായ പെണ്കുട്ടി പിന്നീട് ഒരു കുഞ്ഞിന് ജന്മം നല്കിയിരുന്നു. തടവുശിക്ഷയ്ക്ക് പുറമേ പ്രതി 10 ലക്ഷം രൂപ പിഴയും അടയ്ക്കണമെന്ന് ജഡ്ജി ഉത്തരവിട്ടു.
അതിജീവിതയ്ക്ക് നീതി ഉറപ്പാക്കുന്നതില് നിര്ണ്ണായകമായ ഈ വിധിയില് സ്പെഷ്യല് പബ്ലിക് പ്രോസിക്യൂട്ടര് എ. സിന്ധുവാണ് പ്രോസിക്യൂഷന് വേണ്ടി കോടതിയില് ഹാജരായത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates