തൃശൂര്‍: അയ്യന്തോള്‍ കാര്‍ത്യായനി ക്ഷേത്രം മതില്‍ കെട്ടിനുള്ളില്‍ നിന്ന് പെരുമ്പാമ്പിന്‍ കൂട്ടത്തെ പിടികൂടി. അഞ്ച് പെരുമ്പാമ്പുകളെയാണ് പിടികൂടിയത്. ഇനിയും മതിലിനുള്ളില്‍ പെരുമ്പാമ്പുകള്‍ ഉള്ളതായി സംശയമുണ്ട്. ചൊവ്വാഴ്ച രാവിലെ ക്ഷേത്രത്തിലെ പാത്രങ്ങള്‍ കഴുകുന്ന സ്ഥലത്ത് ഒരു പാമ്പിനെ കണ്ടിരുന്നു. ഇതിനെ സര്‍പ്പ ടീം എത്തി പിടികൂടി. പിന്നീടുള്ള പരിശോധനയിലാണ് . മതിലിനുള്ളില്‍ പാമ്പിന്‍ കുഞ്ഞുങ്ങള്‍ ഉള്ളതായി കണ്ടെത്തിയത്.

ക്ഷേത്രത്തില്‍ നിന്നുള്ള അഴുക്കു വെള്ളം പോകുന്ന ചാലിന് സമീപത്തെ മതിലിനുള്ളിലാണ് പാമ്പിനെ കണ്ടെത്തിയത് തുടര്‍ന്ന് മതിലിന്റെ കുറച്ചുഭാഗം പൊളിച്ചു. ഇതോടെ 4 പാമ്പിന്‍ കുഞ്ഞുങ്ങളെ പിടികൂടി. പെരുമ്പാമ്പ് മുട്ടയിടുന്ന ഇത്തരം സ്ഥലങ്ങളില്‍ നിന്ന് 20ലേറെ കുഞ്ഞുങ്ങളെ വരെ കിട്ടണമെന്നാണ് വിദഗ്ധര്‍ പറയുന്നത്. ഇനിയും പാമ്പിന്‍ കുഞ്ഞുങ്ങള്‍ മതിലിനുള്ളില്‍ ഉണ്ടെങ്കിലും അവയെ പിടികൂടാന്‍ കഴിഞ്ഞിട്ടില്ല.